![[AIM] Asmarino Independent Media](/images/logo/ailogo.png){kind=logo}
ቶጎ ተጒጔ፣ ዩጋንዳ ትቕረብ
ዕለት 6 መጋቢት 2010 ዝወጸ ዜና ከምዝሓበሮ ድማ፣ ንኢዲ ኣሚን ብምብዳህ ኣብ በረኻታት ብ1981 ድሕሪ ምውጽኡ፣ ብጥሪ 1986 ኣብ ስልጣን ከም ፕረሲደንት ዝደየበ ፕረሲደንት ዮወሪ ሙሰቪኒ ኣብዚ እዋን፣ ስልጣን ናብ ወዱ ከመሓላለፍ ይቕረብ ይበሃል ኣሎ። ወዲ ፕረሲደንት ሙሰቨኒ ለተና ኮሎነል ካኢንሩግባ ሙሆዚ ሓላፊ ናይ ፍሉይ ሰራዊት ኮይኑ ድሕሪ ምጽንሑ ኣብዚ እዋን እዚ ፕረሲደንት ናይ ዝሕሉ ጉጅለ ስልጣን ተዋሂብዎ ኣሎ።
ናይ ተቓወምቲ ኣፈኛ ዝኾነ ሑሰንክያንጆ “ንዩጋንዳ ናብ ንጉሳዊ ኣሰራርሓ ይልውጣን ብግልጺ ንወዱ ከመሓላልፍ ይቕረብ ኣሎ” ክብል ገሊጹ። ኣባላት ስድራ ቤት ሙሰቨኒ ኣብ ዝተፈላለየ ናይ መንግስቲ ናይ ሓላፍነት ቦታት ሒዞም ይርከቡ።
ቶጎን ዩጋንዳን ሽግራት ይሃሉወን ድኣምበር ኣብያተ ፍርድን ሚኒስትርታትን ትካላትን ኣገባባትን ዘለወንን፣ ነጻ ዝኾና ናይ ዜና ማዕከናትን ፖለቲካዊ ሰልፍታት ዝሳተፋሉ ስርዓታት ሒዘን ዝጓዓዛ ሃገራት እየን።
ናይ ዩጋንዳ ፕረሲደንት ህዊረ ሙሰቨኒን፣ ናይ ኢትዮጵያ ቀዳማይ ሚነስተር መለስ ዜናዊን ናይ ኤርትራ ፕረሲደንት ኢሳያስ ኣፈወርቂን፣ ብ1991 ኣቢሉ ካብቶም ንኣፍሪቃ “ትንስኤ” ክግብሩ እዮም ተባህሉ ዝእመነሎም መራሕቲ እዮም ኔሮም።
