ኣውስትራልያ ንእገዳ ሕጋዊ ትገብር።

ረቡዕ፣ 3 መጋቢት 2010 መግለጺ ወጻኢ ጉዳይ መንግስቲ ኣውስትራልያ

ቤት ምኽሪ ጸጥታ ሕቡራት መንግስታት ብዕለት 23 ኅዳር 2009 ንድንጋገ 1907 ኣጽዲቑ ኣብ ልዕሊ ኤርትራ እገዳ ወሲኑ። እዚ ብምኽንያት ናይቲ ኣብ መንጎ ኤርትራን ጁቡቲን ዝቕጽል ዘሎ ናይ ዶብ ምስሕሓብ ጉዳይን፣ ከምኡ እውን  ኤርትራ፣ ኣብ ሶማል ርግኣት ንኸይሰፍንን ዕርቂ ንኸይግበርን ምእንቲ፣ ንዕጡቓት ጉጅለታት ሓገዝ ትገብር ስለ ዘላ፣ ቤት ምኽሪ ጸጥታ እዚ ተግባራት እዚ ንኣህጉራዊ ሰላምን ርግኣትን ኣስጋኢ ከምዝኾነ መዲቡ።

ካብዚ ብምብጋስ ሕጊ ኣውስትራልያ እዚ ዝስዕብ ተግባራት ይኽልክል፤

1. ንኤርትራ ኣጽዋርን ምስኡ ዝተኣሳሰር ዘበለ ኣቑሑ ንኽይሽየጥን ንኽይመሓላለፍን፣
2. ካብ ኤርትራ ኣጽዋርን ምስኡ ዝተኣሳሰር ዘበለ ኣቑሑ ከይግዛእ (ናብ ኣውስትራልያ)፣
3. ተክኒካዊን ታዕሊምን ገንዘባዊን ካልእ ተመሳሳሊ ሓገዝ ምሃብ፣ እዚ ማለት፤ (ሀ) ንወተሃደራዊ ስራሓት ዝኸውን፤ (ለ) ንቐረብን ምስራሕን ንቐጻልነት ክንክን መሳርሕታት ኣጽዋርን ምስኡ ዝዛመድ ዘበለ ምግባር፣ 
4. ተክኒካዊ ሓገዝን ታዕሊምን ወይ ከኣ ገንዘባዊ ሓገዝ ካብ ኤርትራ ይኹን ኣብ ኤርትራ ንዘሎ ሰብ ይኹን ትካል ምግባር፣ እዚ ማለት (ሀ) ንወተሃደራዊ ጉዳያት ዝምልከት፣ (ለ) ንምግዛእን፣ ምስራሕን ነቲ ኣቐሑ ንምክንኻንን ወይ ድማ ኣብ ናይ ኣጽዋር ጉዳይን ምስኡ ዝዛመድ ኣቑሑ ምውዓልን፣ 
5. ነቶም ብውሳነ 751 (1992) ዝተመስረተ ጉባኤ (“ኮሚተ”) ይኹን ብቤት ምኽሪ ጸጥታ ዝተጠቐሱ (ጌና ዘይወጸ ዝርዝር) ሰባት ይኹን ትካል ኣጽዋርን ምስኡ ዝዛመድ ኣቑሑ ምሻጥ፣
6. ነቶም ብቤት ምኽሪ ጸጥታ ይኹን በቲ ኮሚቲ ንዝተጠቐሱ ሰባት ይኹን ትካል (ጌና ዘይወጸ ዝርዝር) ተክኒካዊ ሓገዝን ታዕሊምን ወይ ከኣ ገንዘባዊ ሓገዝ ምግባር፣
7. ብዘይካ ብፍቓድ ናይ ሚኒስተር ናይ ወጻኢ ጉዳይ፣ ነቶም ብቤት ምኽሪ ጸጥታ ይኹን በቲ ኮሚቲ ንዝተጠቐሱ (ጌና ዘይወጸ ዝርዝር) ሰባት ይኹን ትካል ንብረት ናይዞም ዝተጠቕሱ ምጥቃምን ወይ እውን በዚ ናቶም ንብረት ምስራሕን ንብረቶም ንኻልኦት ከምዝጥቀሙ ምግባርን፣
8. እዞም ቤት ምኽሪ ጸጥታ ወይ ድማ እቲ ኮሚቲ ዝተጠቕሱ (ጌና ዘይወጸ ዝርዝር) ብኣውስትራልያ ኣቢሎም ክሓልፉን ወይ ድማ ናብ ሃገረ ኣውስትራልያ ክኣትዉ፣

ንዝያዳ ሓበሬታ ኣብዚ ተወከሱ።