ኤርትራ፤ ኣርእስቲ ናይ ኣህጉራዊ ኣኼባ ኣብ ብሩሰልስ

ኣህጉራውያን ኪኢላታትን ፖለቲካውያንን 2 መዓልቲ ዝወስድ ኣኼባ ኣብ ብሩሰልስ የካይዱ ኣለው። እዚ ብዛዕባ ነዛ ሃገር ዝምልከት ፖሊሲ፣ ክልቲአን ማለት ሕብረት ኤውሮጳን ኣመሪካን ሓባራዊ ዝገበራሉ ጉዳይ ንምውህሃድ እዩ ዝካየድ ዘሎ።

ናይ ድምጺ ኣሜሪካ ጋዜጠኛ ሊዛ ብራያንት ብዕለት 11.10.09 ኣብ ዝጸሓፈቶ ጸብጻብ፣ እቲ ኣኼባ ብሩሰለስ ሃገረ በልጅም ብዝርከብ ናይ ኤውሮጳ ናይ ወጻኢ ፖሊሲ ኣማኻርቲ ዝተዳለወ እዩ። ኣብ ኤርትራ ምግሃስ ሰብኣዊ መሰላት እናገደደ ይኸይድ ኣሎ። ከምኡ እውን ንናይ ምስልምና ጉጅለታት ሶማል ትሕግዝ ኣላ ይበሃል። እዚ ብኣህጉራዊ ደረጃ ዝያዳ ዝሻቕልን ዘተሓሳስብን ኮይኑ ኣብ ዝርከበሉ ዘሎ እዋን እዩ እዚ ኣኼባ ዝካየድ ዘሎ።

ናይ ኣሜሪካ ናይ ወጻኢ ጉዳይ ሚኒስተር ሂላሪ ክሊንተን፣ ኣብ ወርሒ ነሓሰ ኤርትራ እቲ ምስ ኣል ቓይዳ ምትእስሳር ኣለዎ ዝበሃል ናይ ሶማል ናይ ሸባብ ጉጅለ ምሕጋዝ እንተድኣ ጠጠው ዘይኣቢላቶ ቁጠባዊ እገዳ ክግበረላ ምዃኑ ኣጠንቂቓ ኔራ። ኤርትራ ነዚ ጉጅለ ዕጥቂ ከምትህብ ነጺጋቶ እያ።

ናይ ቀርኒ ኣፍሪቃ ኮንፈረንስ ወሃብ ቃል፣ ዓብደል ራሕማን ስዒድ፣ እዚ ኣኼባ ኣብ መንጎ ኣሜሪካን ሕብረት ኤውሮጳን ሓባራዊ ዝኾነ ስምምዕ ንኽርከብ ዘለዎ ተስፋ ሓቢሩ። እዚ መጻኢ ስምምዕ እዚ ምስ መንግስቲ ኤርትራ ዘተ ንምግባር ክፉት ዝገበር ምዃኑ ገሊጹ።

“ብዝተሓተ ኣጣማምታ” ይብል ዓብደል ራሕማን “እዚ ኣኼባ እዚ ናይ ኣሜሪካን ሕብረተ ኤውሮጳን ፖሊሲ ሓንጸጸቲ ሓደ ርጡብ መምርሒ ንኽዝርዝርን ኽህብን፤ እዚ ድማ ንኻልኦት ሓገግትን ኮሚሽነራትን ኣብ ስደት ዝርከቡ ሲቪክ ውድባትን ፖለቲካዊ ተቓወምትን ምስዚእቶም ንክራኸብን ኣብ ኤርትራ ዝካየድ ፖሊሲ ንጸልዉ ምኻኑ እዩ።”

እቲ እኼባ ብዛዕባ ኤርትራ እኳ እንተኾነ ካብ ጎረባብቲ ናይ ቀርኒ ኣፍሪቃ ሃገራት እውን ተሳተፍቲ ተጸዊዖም እዮም። ናይ ኤርትራ ሰብኣዊ መሰላት ምግሃስ ዘስዓቦ መልሰ ግብሪ ብዶባት ኣቢሉ ንጎረባብቲ ሃገራት ጸልይዎም እዩ። ስዒድ ብኣሽሓት ዝቑጸሩ ኤርትራውያን ናብ ኢትዮጵያን ሱዳንን ሃዲሞም ይርከቡ ክብል ኣረዲኡ። ካልኦት ድማ ኣብ ኣሜሪካን ኤውሮጳን ዑቕባ ይሓቱ ኣለዉ።  

ኣብ ኣኼባ ዝሳተፍ ዘሎ ወልደየሱስ ዓማር ካብ ኤውሮጳን ኣሜሪካን ግልጺ ይደሊ። ዓማር፣ ኣቦ መንበር ናይ ሓባራዊ መሪሕነት ኮሚቲ፣ ሓደ ኣብ መወዳእታ ናይዚ ዓመት እዚ ፖለቲካዊ ሰልፊ ክገብር መድብ ዘለዎ ናይ ተቓወምቲ ውድባት ጽላል እዩ።  

“ዝኾነ ይኹን ኣንጻር እቲ ስርዓት ዝግበር ንጥፈት ብዝተዋሃሃደ ኣገባብ ኣይተኻየደን” ይብል ዓማር። “ንሳቶም (ኣሜሪካን ኤውሮጳን) ነዚ ስርዓት ብዘይካ ከምዚ ጌሩ ከምዚ ምባል ንላዕሊ ኣገበሩን። ዘረባ ድኣምበር ግብሪ ኣይተራእየን። ሎሚ ንሕና ገለ ግብሪ ከርእዩ ንደሊ።”

ናይዚ ኣኼባ ኣዋሃሃድቲ፣ እዚ ኣብ ብሩሰልስ ዝካየድ ዘሎ ዛዕባ፣ ዝያዳ ንጡፍ ኣህጉራዊ ፖሊሲ ብዛዕባ ኤርትራን ሓደ ሓደ ነጥቢ ዝሓዘ እገዳ ኣንጻር እቲ መንግስቲ ንኸስዕብ ዘለዎም ተስፋ ገሊጾም።