ምስጋና - ንወረጃ ህዝብና ምስ’ቲ ክቡር ባህልኻ

ብመስዋእቲ ባዓል ቤተይ ሓርበኛ ተጋዳላይ ዶክተር በየነ ኪዳነ ካብ ዝተፋላለያ ከተማታት  ጀርመንን ካብ ዝተፋላለያ ሃገራት  ኤዉሮጳን ኣመሪካን ተጓዒዝኩም ናይ ሓዘና ተኻፈልቲ ዝኾንኩም ኩልኹም  ኣዚና ነመስግን ሕሰም ኣይትርከቡ።

ንተጋዳላይ ሓርበኛ ዶክተር በየነ ኪዳነ ኣብ’ቲ  ብኸቢድ ሓሚምሉ ዝነበረ እዋን ብዙሓት ፈተዉቱን ብጾቱን ፡ኣብ ሆስፒታልን ገዛን ከይተሓለልኩም ን9 ኣዋርሕ  ዝኣክል እናተመላለስኩም ዝገበርኩምልና ምትብባዕን ምጽንናዕን  ብልቢ ነመስግን።

ንግንባር ሃገራዊ ድሕነት ኤርትራ ምስ ስድራቤት ጅግና ስዉእ ዶክተር በየነ ብምርድዳእ ዝገበርኩምልና ብጻያዊ  ሞራላዊ  ንዋታዊ ን ሓገዝኩም ብልቢ ነመስግን።

ንኻህናትን ድያቖናትን ቑምስና ቅ.ሚካኤል ኦርቶዶግሳዊት ቤተክርስትያን ኮለን ሎንገሪሽ ዝገበሩዎ ቅዳሴን ጸሎትን ፍትሓትን ከምኡ’ዉን ነቦና ቀሺ ኣሮን ንኹሎም ብልቢ ነመስግኖም ጸሎትኩም ሰማይ ዓሪጉ  ንነፍስሄር መንግስተ ሰማይ  የዋርሶ።

ንኹሎም ቀባሮ ፖለቲካዉያን ዉድባትን ሰልፍታትን ሲቪክ ማሕበራትን መራኸቢ ብዙሓን ማሕበር ስመር መንእሰያትን ከምኡ’ዉን ኩልኹም ብቴለፎን ብፋክሳትን ደብዳቤታትን ዘጻናናዕኩምና ብልቢ ነመስግን ሕሰም ኣይትርከቡ

ብፍላይ ካኣ ማሕበረሰብ ኮሎንን ከባቢኣን፡ ሓላፍነት ወሲድኩም ኩሉ መደባትኩም ሰሪዕኩም፡ ካብ መጀመርያ ክሳብ መዎዳእታ፡ ነቲ ድኻምን ተወፋይነትን ዝሓት ስርሓት ብጽፉፍ ኣጋባብ ዛዚምኩሞዎ ክብረት ይሃበልና ሕሰም ኣይትርከቡ።

ጅግና ይመዉት ኢዩ ፡ ታሪኹ ግን ኣይመዉትን ኢዩ።

ካብ ሎሚ ንድሓር ሓዘና ከምዝዓጸና ንሕብር

ካብ ስድራቤት

ወይዘሮ ኣለም ጸሃይ መድሃኔ

ወጋሕታ በየነ

ወይዘሮ ኣብርሄት ኪዳነ ምሰ ኩለን ኣሕዋታ

ዕለት 24 .04.2013