ብርኪ ዘለዎ ከይዱ ተወንጪፉ ሕጻን ኣረጊት ግን ንበይኑ ተሪፉ

ሃገሩ ገዲፉ ተሰዲዱ ምስ ጸገሞ

ናነብዐ ከይፈተወ ደም እናጠዓሞ

እግሩ ዝመርሖ ዘይብሉ ዝዓደሞ

ሃጽ ኢሉ ከደ መሬት ዓዱ ናሰዓሞ

ዕድሉ ክርኢ ከም የሕዋቱ

ስደት ኮይና ዕጫ ብጽሒቱ

ብህግደፍ ካብ ዝሳቐ ብሂወቱ

ዘብሎ ጠፊኡዎ ኣበይሞ ክኣቱ

ዓዲ ጓና መሪጹ ዋላ ንሕልፈቱ

ብመናእሰይና መናሎ ዘይሓዘነ

ብዘይካ ህግደፋዊ ዒባታት ዕነ

ከም ስታላ ዘጥረዮም ናሸፋፈነ

ተስፋ ዝቖረጹ ድኹማት ዓጢኔ

ህግደፋውያን ብዓል ጎባይ ጨላይ

ኣይትሓምብሱ ማይ ዘይብሉ ቀላይ

ብሳምቡኦም ዝሓስቡ ባዓል ቃፍላይ

ሽሉማት መዳልያ ናይ ዕሽነት ሃለልይ

ኣብ ዘመነ ሕግደፍ ኣብ ኤርትራ

ዓድና ናብ ሓዘን ሉቑሶን ተቐይራ

ዘይሓፍሩ ድማ ጉያ ናብ ዳንከራ

ጥሪት ህግደፍ ንዑባ ውጽኡ ሓራ

ልቐቑ ካብ ህግደፍ ከይተሞሖ ሱራ

ክሳብ መዓስ ኢኹም ክትደናገሩ?

ቆልዓኳ ዝፈልጦ ንህግደፍ መጋብሩ

ሰብ ተ ጸላእኩም ካብ ግዜ ተመሃሩ

ጸሚምኩም ደንቍርኩም ከይትነብሩ

ዕዳጋ ኲሊት ገይሩዋ ኤሪትራና

ታይ ዝገበረ ህዝቢዩ ታዩ ኣበሳና

ዎትሩ ሓዘን ጥዑም ከይሰማዕና

ተቐቲሉ ታኣሲሩ ዕለታዊ ወረና

ብሰሪዚኦም ካብ ምዕባለ ሪሒቑና

ኣቦሓጎታቶም ብረት እናተዓደሉ

ጓይላ መሪጾም ናይ ህግደፍ ቶኳሉ

ከይሓፈሩ ድማ ይጓዩ ቪደዮ ክሳኣሉ

ጌና ኣይተረደኦምን ከም ዝተጸለሉ

ህዝቢ ንዒቡ ፎእ ዝበሎም

ዘይረብሑ ዘይውንኑ ነብሶም

ብጠጠዎም ጸሓይ ዝዓረቦም

ዘይሽግር ታይ ንጽበ ካብዚኦም

ኩላ ነጋዳይ ከሲራ ድኳና ዓጽያ

ተሪፋ ዘላ ጥራይ ፋብሪካ ኩሊትያ

ማናጀራ ማንጁስ ምክትሉ ራሻይድያ

ኣለዉ ኻኣ ንኣሽቱ ጭሎ መካፋፈልያ

መኳንንቲ ህግደፍ ጀሚሮም

እግረይ ኣውጽእኒ ከም ሰቦም

ህዝቢ ዘሳቐዩ ዝሕተቱ ብደም

ገፋዕቲ ነበር ህግደፍ ዘዕበዮም

ብብርኩ ዘተንፍስ ሰብ ገዲፎም

ዓሊ ይውጻእ ወልዳይ ይውጻእ

ተስፌየ ይውጻእ ሲዒድ ይውጻእ

ታዩጥቕሙ ምስ ምስጢሩ ዝሕባእ

ይትረፍ በዚኣቶም ግዜኻ ምጥፋእ

ስልጣን ዝነበረ እንተድኣ ሃዲሙ

ሓልዩ ዘይኮነስ ምእንተ ጥቕሙ

ኩሉ ክሃድምዩ በዚ ኣይትገረሙ

ጉድ ክስማዕዩ ቁሩብ ተጸመሙ

ኤረና ኩሑሎ ሎም ዘመን ሓዲኡሎ