ሓድሽ ተዋስኦ ክናና፤ ጉልሻ ብምቅይያር ጸብሒ ኣይምቅርን’ዩ!

ኣብዚ እሳተ-ጎመራ ኤርትራውያን መንእሰያት መመሊሱ ዝግንፍለሉ ዘሎ ናይ ተስፋ ግዜ፣ ከምኡ ድማ ንሕና ደምበ ኣለና ኣብ ዱሮ ምምስራት ግንባር ዓደቦ ሓርነት ኤርትራ ኣብ ዘለናሉ ናይ ምሽብሻብ ህሞት፤ ስርዓት ህግደፍ ነታ ተሪፋቶ ዘሎ ሓጻር ትንፋስ ንምንዋሕ ካብ ነዊሕ እዋን ኣትሒዙ ኣብ ሰራዊትን መንግስታዊ ስርርዕን ብወዛ ክገብር ከም ዝጸንሐ ኩሉ ክዕዘቦ ዝጸንሐ ሓቂ ኢዩ።

ኢስይያስ ኣፈወርቂ ንዝጥርጥሮም ሓለፍቲ ካብ መዝንት ብምውራድን ብምድስካልን ንሓያሎይ ዓመታት ክሰርሕ ከም ዝጸንሐ ይፍለጥ። እዚ ካብ ሜዳ ኣትሒዙ “ተኽሊጥ” ብዝብል ናይ ብወዛ ሜላ ክስርሓሉ ዝጸንሐ እከይ ኣገባብ፣ ክሳብ ሎሚ እውን ይጥቀመሉ ኣሎ። ‘ኣደስ ትሓብእ’ሞ ሓበላ ዓይኒ ነይትሓብእ’ ከም ዝበሃል፣ ገበነኛታት ከኣ ንድጉል ተቓውሞ ህዝብታት ከቶ ክሓብኡ ዝከኣል ኣይኮነን።

ገበነኛ ኢሳይያስ ተሪፋቶ ንዘላ ዕምሪ ደርሆ ዓርቢ ስቕለት፣ ንሒደት ግዜ ንምንዋሕ ኣብዚ ቀረባ እዋን ኣብ ሰራዊት ሓይልታት ምክልኻል ታህዲድን ፈኸራን ዝተሓወሶ ጽዑቕ ኣኼባታት ከካይድ ብድሕሪ ምቕንዩ፣ ዓበይቲ ምቅይያር ገይሩ ኣሎ። በዚ መሰረት ንብሪጋደር ጀነራል ኣማኑኤል ሃንጀማ ኣደስኪሉ ቦትኡ ብሙሳ ራብዓ ተተኪኡ ኣሎ። ሙሳ ራብዓ ኣብ ግዜ ምዕዳል ሽመት ህግደፍ፣ ብሪጋደር ጀነራል ተዋሂቡ ዝነበረ፣ ቀጺሉ ኣማሓዳሪ ዞባ ደቡባዊ ቀይሕ ባሕሪ ምስ ተባህለ ከኣ ካብ “ብ/ጀነራል” ናብ “ኣቶ” ዝብል መጸውዒ ዝወረደ ሰብ ኢዩ።

ሙሳ ምስ ጉጅለ 15 ፈሪሙ ነይሩስ፣ ተጣዒሰ ኢሉ ዝወስወሰ ሰብ ምንባሩ ይዝከር። ቅድሚ ክልተ ዓመታት ኣማሓዳሪ ዞባ ጋሽ-ባርካ ተባሂሉ ኣብ ባረንቱ ከም ዝነበረን ንሒደት ኣዋርሕ ደስኪሉ ብድሕሪ ምጽናሕ ከኣ ሕጂ ሓድሽ መዝነት ተዋሂቡዎ ዘሎ ሰብ ኢዩ።

ኣብ ሓይሊ ባሕሪ ድማ ነቲ ንነዊሕ ዓመታት ኣብ ስለያዊ ስራሓት ንጡፍ ልኡኽ ኢሳይያስ ዝነበረ ንኮሎኔል መልኣከ ገብረማርያም (ወዲ ፊተውራሪ) ኣብ ቦታ ብሪጋደር ጀነራል ፍጹም ገብረሂወት (ወዲ መምህር) ከም ምክትል ሜጀር ጀነራል ሑመድ ካሪካረ ገይሩ ሸይሙዎ ከም ዘሎ ተረጋጊጹ።

ብካልእ ሸነኽ፣ ተኽሊጥ ህግደፍ ንብሪጋደር ጀነራል ኢዮብ ሓሊባይ ፍሉይ መዝነት ብምሃብ ኣብ ቤት ጽሕፈት ፕረዚደንት ናይ ሓይልታት ምክልኻል ዋና ተቖጻጻሪ ሓይሊ ሰብ ኮይኑ ኣሎ። ኢዮብ ሓሊባይ ንሰራዊት ኣብ ምክትታልን ምምዳብን፣ ምድስካልን ምብዋዝን ፍሉይ መዝነት ክሕዝ ኢዩ።

እቲ ናይ ጉልሻ ምቅይያር ንተጋዳላይ ጊላይ ፎርኔሎ እውን በጺሕዎ ኢዩ። እቲ “መስሓቕ ንጉስ” ዝብል ሳጓ ዝነበሮ በዓል ቤታ ንወ/ሮ ኣስቴር ባህረ ጊላይ፣ ሓድሽ ማይ ዘይጠዓመ ናይ ኮሎኔል ማዕረግ ተዋሂቡ፣ ኣብ ምክትታል ዶባት ኣብ ትሕቲ ብሪጋደር ተኽለ ክፍላይ /ማንጁስ/ ናይ ሎጂስቲክ ሓላፍነት ተዋሂብዎ ኣሎ።

ምንጪ፤ ደምበ ኣለና ብውሽጢ

ኣለና ብደገ ኣለና ብውሽጢ!

ሞት ክናና ንኢሳይያስ!!

This email address is being protected from spambots. You need JavaScript enabled to view it.