ኣገዳሲ ህዝባዊ መጸዋዕታ ንህዝቢ ኒው-ዮርክን ከባቢኣን፤

ሓደ ካብ’ቶም በጻብዕቲ ዝቑጸሩ ንፍርሒ ስዒሮም “ኩነታት ሃገርናን ጠንቂ መበገሲኡን” ህዝቢ ንኽፈልጦ ኣብ ቃልዕ ወጺኦም ዝትርኹ ዘሎውን፡ ከምኡ’ውን ደራሲ እዋናዊት መጽሓፍ “ትልሚ ንዘርኢ ክርዳድ” ገዲም ተጋዳላይ ኣቶ ረድኢ መሓሪ (ኣለና) ኣብ ዝሓለፈ ቁሩብ ኣዋርሕ ኣብ ኤውሮጳ ዝጀመሮ ዑደት ሕጂ’ውን ኣብ ሕቡራት ሃገራት ኣመሪካ (USA) ይቕጽሎ ኣሎ። ከም’ዚ ዓይነት ትብዓትን ተወፋይነትን ኣብ ውሑዳት ጥራይ ስለ ዝርአ ድማ ዝለዓለ ምስጋና ይግብኦ። ኣቶ ረድኢ መሓሪ ንኽቡር ዕድሜና ተቐቢሉ ንሰንበት 29 ሓምለ 2012 (July 29, 2012) ልክዕ ሰዓት 2፡00 ድ.ቀ. ኣብ ኒው-ዮርክ ህዝባዊ ኣኼባ ከካይድ ተመዲቡ ስለ ዘሎ፡ ንኹሉ ደላይ ሰላምን ፍትሕን ብኽብሪ ንዕድም።

ንኣኼባ ዝምልከት ንዘሎኩም ሕቶ ኣብ (646)808-6660 ደዊልኩም ተወከሱ

ህዝባዊ ዘተ ኒው-ዮርክን ከባቢኣን