ብወይጦ ህግደፍ ዶ/ር ተስፋይ ኣርዓዶም ኽካየድ ዝተሓስበ ንመኸተ ዝምልከት ጎስጋስ ብመንእሰያት ላስቬጋስ ሓያል ተቃውሞ ገጢምዎ።

ላስ ቬጋስ፡ እቲ ብዕለት 06/ 06/2012 ብወይጦ ዶኽተር ተስፋይ ኣርዓዶም ንመኸተ ዝምልከት ጎስጋስ ከካይድ ዝመጸ ልኡኽ ህግደፍ ቅድሚ መደረ ምጅማሩ ኣጀንዳኻ እንታይ እዩ፡ ሕቶ ኣለና ብምባል ከምዘዋጠርዎን ብሰንኩ ድማ እቲ ኣኬባንሓደ ሰዓትን ፈረቃን ደው ከምዝበለ ተገሊጹ።

ብድሕሪኡ ናብ ባእስን ጸርፍን ክምዕብል ብምጅማሩ ፖሊስ ተጸዊዕም ነቲ ምጉርፍጥ ከህድእዎ ከምዝከኣሉ ኻብቲ ቦታ ዝመጻኣና ዜና ይሕብር፡

ካልእ ቀንዲ ኣዋሃሃድቲ እቲ መደብ ብሃብቶምን፡ ኢሳቅን ዝተብህሉ ኣብ ታሪክ ህዝቢ ኤርትራ ሓንቲ ኣበርክቶ ዘይነበሮም መበጻጻሕቲ ውልቀ መለኽቲ ኢሰያስ፡ እቲ ጉዳይ ከምዝተዳለወ እቶም ጸብጻባት ይሕብሩ።

እቶም ጀጋኑ መንእሰያት ዘልዓልዎም ሕቶታት ንስኻ መን ኢካ ሕቶ ህዝቢ ኽትምልስ ኣይትኽእልን ኢካ ኢሎም ከምዘርዓድዎን ከምዘዋጠርዎን ሓቢሮም፡ ብተወሳኺ ሓደ፡

ዘርኣይ ዝተብህለ ኣሳይለም ሓቲቱ ኣብ ኣመሪካ ዝቅመጥ ወይጦ ህግደፍንስኻ 400 መንእሰያት ኣብ ባሕሪ ጢሒሎም እንኻዕ ኮኑ ዝበልኻና ልኡኽ ህግደፍ ኢካ ብምባል ከምዘካሽሕዎ ተፈሊጡ፡ ኻልእ እቲ መንእሰይ ገንዘብ ኣኪቡ ናብቲ ስርዓት ኸምዘመሓላልፍ እውን ተገሊጹ።

ኣብ ላስቬጋስ ዝርከቡ መንእሰያት ድሕር ሕጂ የሕዋትና ንዝቀዝፍ ስርዓት ዝሕግዙ ወይጦታት ከምዘይንሕፍዎምን ብዝኾነ ዓይነት ቃልሲ ክገጥምዎም ምኻኖም ሕቢሮም ኣለዉ።