![[AIM] Asmarino Independent Media](/images/logo/ailogo.png){kind=logo}
እሳ ሽኮር ሰላም ይኹና
እሳ ሽኮር ሰላም ይኹና
She Sugar Peace Be upon Her
እሳ ሽኮር ሰላም ይኹና
እሳ መዓር ዘይብላ መዘና
እሳ ምቅርቲ ፍልይቲ መኣዛና
እሳ ጓል ሰብ ሓበንና።
እሳ ሽኮር ዓባይ ጓል
እሳ ሽኮር ሓላል
እሳ መሻርኽቲ ጽላል
መካፍልቲ ኣብ ሓዘን ኣብ በዓል።
እሳ ድራር ለባም
ምስኣ ዘየለ ጸገም
እሳ ቀያሕ ለምለም
እሳ ዓጽመ ስጋ ደም።
እሳ እምንቲ ብኹሉ
እሳ ሓብሓቢት ትግደስ ንኹሉ
እሳ ሽኮር ዕረ ጎሓላሉ
እሳ ቀመም ዘይማፍያ ጎሓላሉ።
እሳ ቀመም ዘይተበላጺት
ዘይማፍያ ተንኮለኛ ገናሒት
ንኹሉ ማዕረ ትርኢ መዓዲት
ንኹሉ ብማዕረ ኣመቃሪት።
እሳ ፈሪሃ ጎይታ ዘለዋ
ኩሎም ወገናት ዝደልዩዋ
ዘይትርዕድ ኣብ ኩሉ ዘይትስእኑዋ
መቓሊት ልቢ ኩሎም ዝብህጉዋ።
እሳ ሽኮር ሰላም ይኹና
እሳ መዓር ዘይብላ መዘና
እሳ ሽኮር ፍልይቲ መኣዛና
እሳ ጓል ሰብ ሓበንና።
Maazin Abdul Qhany
19-Sept.-‘11
