ጋንታይ ጋንታኹም ጋንታ ቀይሕ ባሕሪ
         ዓበይትና ነኣሽቱና ኔሩና ኣብኣ ዘይነጽፍ ፍቕሪ
          ናይ ጸሓይ ናይ ጽላል ትሪቡና ኤልፓ’ልና ክንሰራሰር
                         ዋንጫ ሻምፕዮና፡ ዋንጫ ኣውዲቕካ ምሕላፍ ክንኣስር
                         ኣንታ ደምና’ኮያ ኔራ ኣብ መትንና ትዘውር
                         ብኩዕሶ ኣምሲላ ሃገራዊ ስምዒት ተበራብር
            ንስኽኺ ጋንታና ንኩልና ደቂ’ስመራ ጋንታ ቀይሕ ባሕሪ
            ዝለገስክልና ከይበቐቕኪ ንፋንጁዕ፡ ንተፈራ ንኾረሪ
            ንሚኪኤል ቡኛ፡ ንሻጌ ንበረኸት ሰብ ጸጋማይ እግሪ
            ኣብ ሜዳ ኩዕሶ ንመጋጥምትኺ ፊደል ሃሁ እትምህሪ
            ንስኺ ኤልፓና ምዓምበብኪ እምበር ንስኺ ዶ ትሓሪ
                           እወ ኤልፓ እኮ’ያ በዓልቲ ጸሊምን ጻዕዳን ማልያ
                           ኣሕሊፋ ዘይትህብ ንናኩራ ንጦር ሰራዊት ንዋልያ
                           እንታይ’ሞ ቲፎዝኣ ህዝቢ እንዳኸኣለ ክሕግዛ ክኣልያ
                           ብዘይተነጸረ ናብ ሃብታማት የዕሩኽቲ ኢሰያስ ተደርብያ 
            ሽዑኡ ጌሮሞ ነቲ ታሪኻዊ ማልያ ነበረ’ያ ነበረ
            ሕቖ መግዛእቲ ከምዘይዶቖሰ ከምዘይሰበረ
                          እንታይ’ዩ ግን ኣቢሱ እቲ ሽራጥ ሽራጥ ማልያ
                          ናይ ዘመናት ክንሱ ዝቐየርዎ ብቐጠልያ መጠልያ
                          ሕጂ’ንዶሞ ምጸኣተ ቀሪቡ መስለኒ መሬት የእውያ
                          ለካስ ሓቂ ብእግራ’ያ ትወጽእ ብርእሳ እንተቐበርካያ
        እሞ እንታይ ይገበር
        ጋንታይ ቀይሕ ባሕሪ ብዘይ ንሕስያ ቲፎዞኺ ክባረሩ
        ብዘይ ዋላ ሓደ ምኽንያት ኣርማኺ ተቐይሩ
        ስለ ዝሳኣንኪ ምኽኣሉ ምጻሩ
       ትምህርቲ’ባ ሃብክዮም ነዞም ዘይማሃሩ

ሰሎሞን ገብረእየሱስ ካብ ቦታ ሓርነት ኣብ ስደት ከተማ ኦክላንድ