“ሓዳስ ኤርትራ 21 ግንቦት 2010 2
ወያነን ለኣኽቱን ኣሳሰይቶምን፤ ጠቐነኦምን ሓሶቶምን። ምስ ግዜ እናተቓልዐ ይብርዕን ስለዘሎ፤ ጭንቀቶም ዓሪጉ። ኣብዚ መወዳእታ እዋን። ምስ ጽዑቕ ዘመተ ዝተሰነየ ክሲታት ናብ ባይቶ ጸጥታ መስሪቶም ኣለዉ፣ ተዓዛቢ ብወረ ጥራይ ከይሰምዖ፤ እዚ ንባይቶ ጸጥታ ንዕቀትን ጸርፊን’ዩ ጥራይ ኪበሃል ዝከኣል ዝበለየ ሕሱር ጸወታን ዝርዝራቱን ከምዘለዎ ነቕርበልኩም።- ካብ ሚኒስትሪ ጉዳያት”

እስኪ ናይ ህ.ግ.ደ.ፍ. መራሒ መግለጺ እንታይ ኮን ንማለት እዩ ወጺኡ ንዝብል ሕቶ ንምምላስ ክፍትን።

ብዓይኒ ኢሳያስ “ወያነ” ድኣምበር ሕዝቢ ኤርትራ’ስ ብዝወረዶ ግፍዒ መስርሕ ኣካይዱ “ክሲ” ክምስረት ኣይክእልን እዩ።

“ወያነ”ን ለኣኽቱን፤ ኣሜሪካ ማለት እዩ። “ጠቐነ” “ሓሶት” ብጀካይ ካልኦ ኣይውንኖን እዩ። ኣብ ልዕሊ ሕዝቢ ኤርትራ ብ”ጠቐነን” “ሓሶትን” ዘወረድክዎ መከራ ኣይሕሰብን እዩ።

“ይብርዕን”፤ ከቢድ ቃላት ምጥቃም ኣመል ኢሳያስ እዩ። ካብ መዝገብ ቃላት እናወሰድካ ከም “ምሁር”ን ኪኢላን መዳሪ ምምሳል። ግዜኡ ዝሓለፎን ሰማዒን ኣንባቢን ዝረብረበሉ ጉዳይ እዩ።

“ጭንቀቶም ዓሪጉ”፤ ጭንቀት’ዶ ይዓርግ እዩ? ዓሪጉ ትብል ቃል ዝያዳ “ሃይማኖታዊትን” ኣብ መጽሓፍ ቅዱስ እትርከብ ድኣምበር ከም መዓልታዊ እትጥቀመላ ቃላ ኣይኮነትን። ትኪ ከይተረፈ በኒኑ እዩ ዝበሃል እምበር ዓሪጉ ኣይበሃልን። ኢስያስ ግን ንሰባትን እምነታትን ቃላትን ናይ ምምርሳሕን ምክሽማሽን ምድቛስን ምጭፍላቕን ኣመል ኣለዎ። ናይ ኤርትራ ዓሌታት ብሄራት ቋንቋታት ካብ ምንእኣስን ምጽናትን ሓሊፉ ንሙሉእ ኣፍሪቃን ሕዝባን ዝጸረፈ ሰብ እዩ። ስለዝተኣገደ’ምበር ንዖዖም እውን ብተገባር ኣይምገደፈን።

ኣብ መደምደምታ ከምቲ ርእይቶ ወሃቢ “ሻሎም ኤርትራ” ብዕለት 5/23/10 ኢሳያስ ንሕዝቢ ኤርትራ “ኣበይ ዘሎ ህዝቢ እዩ? እንተሎ ፈርሲ እንተሞተ ድኹዒ” ኢሉ ዝበሎ፣ ሕጅ’ውን ነዚ ኣብ ዕለት 21፡ 2010 ዝወጸ ናይ ሓዳስ ኤርትራ “ዝርዝር” ንሃልኪ ዘይኮነስ ነዚኦም ኤርትራውያን ከም መጻወቲ ካርታ፣ ኣብ ባደላ ቆልዩ፣ ኣብሲሉ፣ ዕድሜኦም ንዑዑ ከገልገሉ ጸሓይ ዝዓረበቶም ንዓለም ኣቕሪቡ፣ እዚኦም ድዮም እቶም ትብልዎም ዘለኹም? እንሀውለ ኣብ ቅርዓት። ንዓይን ንፈተውተይን ስድራ ቤተይን እቶም ኣብ ገበነይ ኣብ ምትግባር ዝተሳተፉ ገለ ካብ ኣሕዋተይን ጥራሕ ኣድሕኑለይ እዩ ዝብል ዘሎ።