ንፋስ ድዩ ዑፍ - ዘቀባብል ወረ
ወላዲ ንውሉድ - ውሉድ ንወላዲ
ኣብ ቃልዕ ሜዳ - ኣሕሊፍካ ንዝብኢ
ተበላላዕ እዩ - ዘመን ውራ ውራ ወረ

ነዛ ሓንቲ ከብዲ - ተመስገን ‘ዝሕርማ
ሓውኻ የሕሊፍካ - ንመን’ዩ ‘ቲ ረብሓ
ድሙስ’ያ ይበሃል - ትበልዕ ውላዳ
ሓውኻ ሂብካዮ - እኹል መሲሉካ

ዝለመዶ ስኢኑ - ደም ምስ ሓረሞ
ኩሉ ኣጻፊፉ - ናባኻ ክዘውር
ጊደኻ ኣኺሉ - ክትብል ሽቑርር
መንኮን ሓሲዩለይ - ዝሓስቦ ናይ ውሽጠይ

ክትብል ትጅምር - ጽላሎትካ ትጥርጥር
ዘመናት ሓሊፉ - ከምኡ ዘሕለፍናዮ
ጸላኢ ክንምክት - ምስጢር ክንዕቅብ
ሕጂ ኸድኣ’ሞ - እንታይ ተረኽበ

ደጊምካ ሕሹኽሹኽ - ተሓጺብካ ኣብ ጭቃ
መን ኣሎና ድዩ - ከዳዕ ዕሱብ
ናይ ሑጓ ምስጢርና - ንግዳም ዘውጽእ
ብኣና ንዓና - ናትና ዋኒና
ንዘቲ ብሓባር - ንኹልና ረብሓ
ጻህያይ ወፊርና - ክርዳድ ኣሪና
በለጸኛ ኩሉ - ነፊና መሚና
ስስዐ ‘ወጊድና - ንዓይ ንዓይ ምባል
ናይ ሓባር ዋኒና - ንዕመሞ ብሓባር