ሕድሮ ወራድ መርዓ፣ ለጋ ሽቦ ለይቲ
ምሁራት ነይሮማ ሊቃውንቲ
ዶካትራት ነይሮማ ተዓጠቕቲ
ካህናት ተማሊኦም መዛምርቲ
ድኻም ተገዚሞም ወሰዱ ሳልስቲ
ንሕዝቢ ዘይከውን፣ እዚ ኹሉ ትምህርቲ።
 
ሽቦ ለጋው ሽቦ ንስዊዘርላንድ
ክንደይ ነርኩም ብዙሓት መአዲ
ንዘይከዱ፣ ፈርም ኣብ መገዲ
ከተፍርሱ ናይ’ዛ ዓለም ፍርዲ
እዚ ኹሉስ ነዚ ሓደ ወዲ
ዘይዓገቡ ነይሮም፣ መኻይዲ
ድኻም ወዲእኩም እዚ እከይ ስዲ።
 
እቲ ሽግርና መሊሱ ብኢሱ
ካህናት ነሮምና ዝበኣሱ
ጸናጽል ረሲዖም ከይድንሱ
እንካብ ንኢሳያስ ዝምጉሱ፤
ደብረ ቢዘን ከይዶም ዘይምንኩሱ
ኣበይ ነርኩም ኣቡን ክሕበሱ
ሕጊ ክርስትና ከመይ’ሉ ረኺሱ።
 
ፈትዮም ከይመስለኩም ኣብኡ ዝነበሩ
ኩሉ’ሎዎ ነናቱ ሽግሩ
እንታይ ወሲዱኩም ትጽንበሩ
እቲ ጌጋኹም ቅድም’ዩ ነይሩ
ኣበይ ነርኩም ጳጳስ ክእሰሩ?
ብዘይ ስዋ ተስካር ተተግቢሩ
ካልእ ጊዜ ከምኡ ከይትገብሩ?
መራሕቲ ሃይማኖት ኢኹም ብሓጺሩ።
 
ጋዜጤኛ ኣጥቢቓ ሓቲታ
ተኻቲዓ ብዙሕ ተሟጊታ
ተገዲሳ እሱራት ሓቲታ
ትብሊ’ለኺ ኢሉ ዓዒንታ ዓመታ
ኩሉ ኣሕሊፍዎ ብኣሉታ
መፋጥርቲ ኮይና ናቱ ባይታ
ጸርፊ ወሲኹሉ መጨረሽታ።
 
ጥምየትን ማእሰርትን ኣብ ዓድኹም
ንጉሆ ንጉሆ ይጠፍኡ ደቅኹም
ኩሉ ዓለም ይዛረብ ብኣኹም
ኣሉ ቐጣን ኣበይ’ከ ሪኢኹም
እሱራት ኣለዉ ትብሉ’ለኹም
ንሕና ከይፈለጥና ክትፈልጡ ደሊኹም
ኣመሪካ ዲዩ ለኣኢኹም
ንዑ ግዳ ኪዱ ገገዛኹም።
 
እንታይ ክገብር ሕዝቢ ተገዲዱ
መፈንጠርያ ፊሒሱ ኣዋዲዱ
ንዑ መሬት ኣብ ዓዲ ውሰዱ
ተሓጒሱ ክምለስ ንዓዱ
መስገደል ኣትዩ ናብ ክሳዱ
ብማሕለኻ ኣብ እግሩ ቀይዱ
ፈልከት ከምዘይብል ካብ’ዛ ኢዱ።
 
ኣደይ መደይ ኢልካ ተፋሒሳ
በሉ ንዑ መሬት ተደይሳ
ካብ ስደት ክትምለስ ተበጊሳ
ዶላራት ሂባቶ ሓሓፊሳ
ከይኣእኸለት መብዛሕትኣ ፈሪሳ
ብሽኮር ብዝሒ ደም ተደቢሳ
ባዕሉ ነጊርኩም መቐበሊ ሬሳ።
 
እቶም መብዛሕትኦም ዓምዑቶም ሓሚሞም
እነውልኩም ጥዕና ሲኢኖም
ከይዛረቡ ኣፎም ተለጒሞም
ዊሒጦሞ ኩሉ እቲ ጸገሞም።
 
እንታይ ክግበር ሕዝቢ ተገቢቱ
ብዶላር ገዚኡ ንመሬቱ
ንመገዲ ቁሸት ተመልከቱ
ብገንዘቦም ጠላዕ ተጻዊቱ
እንታይ ክገብሩ ምስ መን ክሟገቱ
ኣብ ዝወሰድኹም ትጉተቱ
ከምታ ዝበሉኹም ትምክቱ።
 
እቲ ጕድኩም ሎምስ ተቐሊዑ
ዓገብ ዝብል ለባም ተቐጺዑ
ተቛዋማይ ከዳዕ ተጸዊዑ
ትሕቲ መሬት ኣትዩ ተረሲዑ
ስለ ዝፈለለ ተጸጊዑ
ተኻሪጁ ይብልዎ ሽሙ ከይጸውዑ
ንወላዲ ወድኹም ከዲዑ
ከይመስለኩም ደሞም ተረሲዑ።
በብሓደ ሽምኩም ክትጽውዑ።
 
ሓደ ሓደ ኣሎዋ ዝዓበዳ
ሰብ ምዃነን ኣምላኽ ዝኸሓዳ
ምስ ቆረባ መሊሰን ዝገዳ
ካብ ሳጥናኤል ንሰን ዝገደዳ
ንእሱራት ስጉምቲ ዝወስዳ
ኣንድዱዎም ኢለን ዝፈረዳ
ርህራሄ ኣደታተን ዘይወሰዳ
ንባህልና ብዙሕ ዘዋርዳ።