![[AIM] Asmarino Independent Media](/images/logo/ailogo.png){kind=logo}
ዋዕላ ኣብ መበል ራብዓይ መዓልቱ
ዋዕላ ኣብ መበል ራብዓይ መዓልቱ
ሃገራዊ ዋዕላ ንደሞክራሲያዊ ለውጢ ኣብ ናይ ሎሚ 3 ነሓሰ 2010 ርክቡ፣ ነቲ ትማሊ 2 ነሓሰ2010 ዝመረጻ ሰክረታርያ ናይ መጀመርያ መዓልታ ስርሓን ዕማማታን ኣጻፊፋ ናብ ዋዕላ ኣቕሪባ። ሰክረታርያ ኣብ ናይ ቅድሚ ቀትሪ ርክቡ፣ ንኣካይዳ ሃገራዊ ዋዕላን ኣገባባትን ዝሕግዝ ውሽጣዊ ሕጊ ነዲፋ። እዚ ብሰክረታርያ ዝቐረበ ውሽጣዊ መምርሒ ጉድያት ኣዋሳስዳ ውሳነታትን ንዝምልከት ሕቶታት፣ ተሳተፍቲ ዋዕላ ስጋብ እዋን ምሳሕ ኣብ ዘሎ ሰዓታት ድሕሪ ምዝታዮም ብፍላይ ኣብ ምሕላፍ ውሳነታት ብዝምልከት ኣብዚ ዝስዕብ ዋዕላ ወሲኑ።
- ኣብ ዓበይቲ ሃገራዊ ጉዳያት ብናይ ሓባራዊ ስምምዕ (consensus) ንክኸወን፤
- ኣብ ንኣሽቱን ርዱእ ሕቶታትን ብ3/4 (ብሰለስተ ርብዒ ድምጺ) ክኸውን፤
በዚ ስምምዕ እዚ ከኣ ዋዕላ ንኣጀንዳ ጉዳይ ኣወሳስዳ ውሳነ ድሕሪ ምስምማዑ፣ ብቐጥታ ናብ ሲዒቡ ዝመጸ ኣጀንዳ ኣትዩ። ሲዒቡ ዝቐረበ ኣጀንዳ። ፖለቲካዊ ገምጋም ህልው ኩኒታት ኤርትራ ኢዩ። እዚ ብኤርትራዊ ደሞክራሲያዊ ኪዳን ዝቐረበ ኩሉ መደያዊ ህልው ኩነታት ሃገረ ኤርትራ ደምበ ተቓውሞ ድኹምን ሓያልን ጎድናት ዝፈተሸ ገምጋም ድሕሪ ምስማዕ፣ ዋዕላ ነዚ ጉዳይን ካልእ ኣርእስትታት ዝያዳ ክካታዓሉን ክዝተየሉን ክውስነሉን ንጽባሕ 4 ነሓሰ 2010 ክራኸብ ብምባል ተዛዚሙ።
ዜና ተኸታተሉ
መሓሪ ኣብርሃም
ሜድያ ሲቪካዊ ማሕበራት ኣብ ኤውሮጳ
ካብ ኣዲስ ኣበባ
