ፍሉይ ናይ ጸሎት መዓልቲ (ሚያዝያ 21, 2013)

በስመ ኣብ ወወልድ ወመንፈስ ቅዱስ ኣሓዱ ኣምላክ። ኣሜን።
ክቡራንን ክቡራትን ምእመናን ኣመንቲ ክርስቶስ ኣብ መላእ ዓለም እትርከቡ።

ብሰንኪ እቲ ኣብ ምደረ በዳ ሲናይን ሱዳንን ካልእ ሃገራትን ኣብ ርእሲ ኤርትራውያን ዝወርድ መዘና ኣልቦ ቅትለት፣ ዘረፋ፣ ምሻጥ ናውቲ ኣካል፣
ግዱድ ባርነት፣ ምእንቲ ሰላምሃገርናን፣ ካብ ሰማያዊ ኣምላኽ ፍታሕ ክንረክብ፣ ኣብዚ ሒዝናዮ ዘሎና ጾም ኩላትና እንዝክሮን እንጽልየሉን እኳ እንተ ኾና፣ 
ብእዉጅ ግን ከምቲ ቅዱስ ጽሑፍና ዚብሎ።

“እኽሊ በሪሱ፡ ኮልዒ ወይኒ ነቒጹ፡ ዘይቲውን ቀምሲሉ እዩ እሞ፡ እታ ሃገር ባዲማ፡ ምድሪውን ትሐዝን አላ። እቶት ግራሁ ጠፊኡ እዩ እሞ፡ ኣቱም ሓረስቶት፡ ብምኽንያት ስርናይንስገምን ሕነኹ፡ ኣቱም ሰብ ኣታኽልቲ ወይኒውን፡ ዋይዋይ በሉ። ተኽሊ ወይኒ ነቐጸ፡ ኦም በለስ ከአ ቀምሰለ፡ ኦም ሮማንን ስየ ቱፋሕን ኩሉ ኣእዋም መሮርን ነቐጸ፡ እወ፡ ሓጎስ ካብደቂ ሰብ ነቐጸ። መሥዋዕቲ ብልዕን መሥዋዕቲ መስተን ካብ ቤት ኣምላኽኹም ተኸልኪሉ እዩ ኣሞ፡ ኣቱም ካህናት፡ ተዓጠቑን ብኸዩን፡ ኣቱም ኣገልገልቲ መሠውዒ፡ ዋይዋይ በሉ፡ኣቱም ኣገልገልቲ ኣምላኸይ ንዑ፡ ከሊ ተኸዲንኩም ሕደሩ። 14- ጾም ቀድሱ፡ ኣኼባ ጸውዑ፡ ንዓበይትን ኣብታ ሃገር ዚነብሩ ኹላቶምን ናብ ቤት እግዚኣብሄር ኣምላኽኩም አክቡ፡ናብ እግዚኣብሄር ከአ ተማህለሉ። ” ትንቢት ዮኤል 1:10-14 ዝበሎ ቅዱስ ቃል መሠረት ብምግባር ን21 ሚያዝያ 2013 (ሚያዝያ ፲፫, ፳፻፭) ኣብተን ኣብ ብቡራኬ  ቅዱስ ፓትርያርክኣቡነ እንጦንዮስን 
ብፁዕ ኣቡነ መቃርዮስን ተማእኪለን ዝኸዳ ኣብያተ ክርስቲያናት ጸሎት ክግበር ተውሲኑ ኣሎ።

ስለዚ ኩልኹም ምእመናንን ምእመናትን ኣብዚ ዝተጠቕሰ ዕለት ኣብዘን ስዒብነ ኣስማተን ተጠቒሱ ዘሎ ኣብያተ ክርስቲያናት ኬድኩም ጸሎት ክትሳተፉ 
ብመንፈሳዊ ኣኽብሮትዕድሜና ነመሓላለፍ