ሃገራዊ ዋዕላ ሳልሳይ መዓልቱ (2)

ሃገራዊ ዋዕላ ሳልሳይ መዓልቱ (2)

ሃገራዊ ዋዕላ ኣብ ሳልሳይ መዓልቱ ድሕሪ ቀትሪ፣ ኣሰናዳኢት ሽማግለ ኣገባብ መስርሕ ተንቲና፣ ብዛዕባ እታ ብ14 ዝቖመት ሽማግለ ምርጫ ስራሓ ወዲኣ ከምዘላ ብምንጋር፣ ካብቶም ሽማግለ ምርጫ ሹድሽተ ዝኾኑ ኣብ ቅድሚ ገዛ ቀሪቦም ዝገብርዎ ክነግሩ ድሕሪ ምጽዋዕ፣ ሓላፍነታ ኣረኪባ። (ስኢሊ  ኣሰናዳኢት ኣብዚ) እዚኣ ኣምራጺት ሽማግለ፣ ብመሰረት ተሳተፍቲ ዝተሰማምዕሉ ኣገባብ፣ ነሓሰ 2 ድሕሪ ቀትሪ፣ ክልተ ደቂ ኣንስትዮ ዝርከብኦ፣ ካብ ሲቪል ምንቅስቓሳትን ፖለቲካዊ ውድባትን ተመሪጻ ብዝመጸት 14 ዝኣባላታ ትማሊ ቆይማ ነይራ። እዚኣ ሽማግለ ምርጫ ብቕዓትን ክእለትን ናይቶም  ኣብ ሰክረታርያት ኣባላት ዝኾኑ ድሕሪ ምምማይ፣ ንዋዕላ ዝመርሑ 17 ኣስማት ንሰክረታርያት ክኾኑ ኣቕሪባ።

እዚኣ ሽማግለ ኣስማት ናይዞም 17 ድሕሪ ምትንታን፣ ነዛ ተረቁሓ ዘላ ሰክረታርያ ብኣላላይነት ሽማግለ ምርጫ ኣብ ቅድሚ ተሳተፍቲ ቀሪባ ድሕሪ ምልላያ፣ ሃገራዊ ዋዕላ ድሕሪ ዘተ ብሙሉእ ብፍጹም ስምምዕ ተቐቢልዎ። እዞም 17 እዞም ዝስዕቡ እዮም፤

1. ሓምድ ኣደም ሱለማን (ተ.ሓ.ኤ.) 
2. ሃይለማርያም ተስፋይ (EMDG)
3. ሰመረ በይን ህ.ግ.ደ.ኤ, (ሳግም)
4. ክብሮም ብርሃነ (ካናዳ)
5. ከማል ዓብዱልራሕማን (መዓስከር ስድተኛታት ሽመልባ)
6. ዓብዱላሂ ሳልሕ ሓምዳይ (መዓስከር ስድተኛታት ሽመልባ)
7. ኣልኣሚን ዓብደላ ኢድሪስ (ኣውስትራልያ)
8. ማሕሙድ ዑስማን ኢብራሂም ኣደም (ኤርትራዊ እስላማዊ ጉባኤ)
9. መሓመድ ስይድ መሓመድ (ሰልፊ ጉባኤ)
10. ኢድሪስ ጌሳ (ስልፊ ፍትሒ ኤርትራ)
11. ተወልደ ምናሴ (ደምሓኩኤ)
12. ዓሻ ጋዕስ (ሽወደን)
13. ፍረወይኒ  ገብረጻድቕ (ብውልቂ)
14. ሳልሕ ሰባሕ (ፈደራላዊ ምንቅስቓስ ኤርትራ) EFDM
15. መሓሪ ኣብርሃም (መርበብ ሲቪካዊ ማሕበራት አውሮጳ)
16. ነጸረኣብ ኣስመላሽ (ግሃደኤ)
17. ነስረዲን ኣሕመድ ዓሊ (ወኪል መንእሰያት ካብ ኢትዮጵያ) 

ካብዚኣቶም እቶም ኣርባዕተ ማለት እቶም ኣብ ምምማይ ብመጀመርታ ደረጃ ተሰሪዖም ዝነበሩ፣ ኣብ ቅድሞ ዋዕላ ክቐርቡ ተጸዊዖም።  ኣምራጺ ሽማግለ፣ በብሓደ ናብ ቅድሚ ዋዕላ ስሞም እናጠቐሱ ብምጽዋዕ ብሰላምታ ናብ መድረኽ ኣላለይዎም። እዞም ኣርባዕተ፤ መሓሪ ኣብርሃም (ኣውሮጳ)፣ ዓይሻ ጋዕስ (ሽወደን)፣ ሃይለማርያም ተስፋይን (ኣሜሪካ) ሓምድ ኣደም ሱለማን (ሱዳን) ኔሮም።  እዚኦም  ነቲ መድርኽ ብስም 17 ሰክረታርያት ተረኪቦም ኩሎም ሰክረታርያት ድማ ጽባሕ ክጅምሩ ኣብ መስርሕ ምድላው ይርከቡ ኣለዉ። ሽማግለ ምርጫ በዚ ጉዳያ ድሕሪ ምውዳእ ኣኼባ ሃገራዊ ዋዕላ ንጽባሕ ንግሆ ክቕጽል ምዃኑን ሰክረታርያት ከምዝመርሕዎን ሓቢራ ናይዚ መዓልቲ ኣኼባ በዚ መልክዕ ተዛዚሙ።  

ሜድያ መርበብ ሲቪላዊ ማሕበር ኣውሮጳ

ካብ ኣዲስ ኣበባ