ኣብ ኤርትራ እንርከብ ስድራ ቤት ግዳያት ላንፔዱዛ ኣብ መሬት ዓደቦኦም ንቡር ሓመድ ድበ ዘይተደበዩ ደቅና፡ ኣሕዋትናን ኣሓትናን ብደረጃ ሃገር ስነ-ስርዓት ቀብሪ ክግበረሎም፡ ጽንዓት ይሃብኩም፡ ሕሰም ኣይትርከቡ ዝብል ባህሊ ክንፍጽም ተሰማሚዕና፡፡

ክመጹናን ክንከዶምን ዘይከኣልና ግዳይት ባሕሪ ደቅና፡ ኣሕዋትናን ኣሓትናን ሬስኦም ዓዱ ተመሊሱ ንቡር ሓመድ ድበ ክለብስ፡ ግቡእ ስፍርኡ ክሕዝ: ተደጋጋሚ ሕቶታት እንተቕረብና እኳ ብቀምሽ ኣደይ ኣሕንኩሉኒ ምኽኒታት ብምድንጓዩን ኣብ ዓዲ ጓና ተቐቢሮም ንሰምዕ ኣሎና፡፡ ንቡር ስነ-ስርዓት ናይ ሓመድ ድበ ቀብሪ ቀቢጽና ንጓሂ ጓሂ ተወሲኽዎ ብመሪር ሓዘን ልብና ተሰይሩ፡፡

ካልእ ኣብ ልዕሊ’ቲ ካልእ ሓዘንን መከራን ተደራሪቦምና፡፡ ዘጽናዕነዓና ዝበኪ’ምበር ዝእብደና ስኢና፡፡ ኣዴታት ብሓዘን ወዝበን ተለዊጡ ገጸን መድዩ ሓመድ ተፊኡ፡ ጸጉረን ተደርሚመን ክነብራ ተገዲደን፡፡ ኣቦታት ብሕሱም ጓሂ ልብና ተሰይሩ፡ እሲ እዋን ኣመና መሪሩ ሓርቢቱና ኣሎ፡፡ ሕጂ ግና እንታይ ንግበር ኢልና ብሓደ ሃገራዊ ቀብሪ ንነብስና ንኣበድ ዝብል ሓዱሽ ሓሳብ ፈጢርና ኣለና፡፡ ነዚ ንገዛእ ነብስና ንምጽንዕናዕ ነበጋግሶ ሓዱሽ ሓሳብ ኩሉ ክስዕቦ ንላቦ፡፡

ቋሚ ቤ/ጽሕፈቱ ኣዲስ ኣበባ ዝኾነ ሕብረት ኣፍሪቃ ብ03 ሕዳር 2013 መዓልቲ ሰማእታት ላንፔዱዛ ክኽበር ወሲኑ፡፡ ብጸሊም ናይ ሓዘን ሪባን፡ ባንዴርኡ ናብ ፍርቂ ኣውሪዱን ዘኪርዋ ውዒሉ፡፡ ንሰናይ ተበግሶን ፍጻመን ሕብረት ኣፍሪቃ እንዳመስገና፡ ብዕቱብ ውሳንኦም ከምዝኾራዕና ደጊምና ነረጋግጽ፡፡

ኣብ ውሽጢ ኤርትራ እንርከብ ስድራቤት ስማእታትን ግዱሳት ዜጋታትን ድሕሪ’ቲ ውሳነን ዝኽሪን መዓልቲ ሰማእታት ሕብረት ኣፍሪቃ እንታይ ንግበር ዝብል መዛተይ ዛዕባ ኣልዒልና ዘቲና ነዚ ዝስዕብ ተግባራት ከኣ ብባህሪ ክብርታትን እንዳባ ክንፍጽም ኣብ ዕልባት በጺሕና፡፡

ሬሳታት ደቅና፡ ኣሓትናን ኣሕዋትናን ንሃገሩ መጺኡ ክድበ ክሳብ ዘይከኣለ፡ ሃገራዊ ቀብሪ ሰማእታት ዝካየደሉ መዓልቲን ቦታን ምውሳን ከምዘድሊ ተኣማሚና፡፡ ዕለት ሃገራዊ ቀብሪ ሰምበት 10/11/2013 ኣብ ኣስመራ መቓብር ስማእታት ክካየድ፡፡ ስነ-ስርዓት ሃገራዊ ቀብሪ ኣብ’ቲ ዝተጠቕሰ ዕለት ንጉሆ ካብ ሰዓት 10፡00 ክሳብ ፋዱስ ሰዓት 12፡00 ክፍጸም ምኻኑ ወገና ንዘበለ ኹሉ ብኽብሪ ንዕድም፡፡

ዘለኣለማዊ ዝኽሪ ንሰማእታትና!!

ካብ ግዱሳት ምውህሃድ ሃገራዊ ስነ-ስርዓት ቀብሪ ሰማእታት ላንፔዱዛ

ኣስመራ

 


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...