እታ ንዳርጋ ሰለስተ ሰሙን ብዙሓት ኤርትራውያን ተሳፈርቲ ሒዛ ካብ ገማግም ሊብያ ተበጊሳ ኣብ ማእከላይ ባሕሪ ጠፊኣ ዝቐነየት መርከብ፡ ኣብዚ ሳልስቲ’ዚ ምስ ኩሎም ተሳፈርታ ግዳይ ማእከላይ ባሕሪ ምዃና ተፈሊጡ ኣሎ። በዚ ሓደጋ’ዚ ሰለስተ ሚእትን ዕስራን ሓሙሽተን ኤርትራውያን፡ ዓሰርተ ኢትዮጵያውያንን፡ ሓደ ምስራዊ መራሕ መርከብ ህይወቶም ከምዝሓለፈት ዝረኸብናዮ ሓበሬታ የረድእ። ካብቶም ህይወቶም ዝሓለፉ ተጓዓዝቲ እተን ሱሳን ክልተን ደቀንስትዮ ክኾና እንከለዋ፡ ዓሰርተ ሰለስተ ድማ መዓንጣ ዘይቆጸሩ ህጻናት ምንባሮም ክንርዳእ ክኢልና ኣለና። እዚ ኣዝዩ ዘሕዝን ተረኽቦ እዩ፡፡

    በዚ ምኽንያት’ዚ ድማ ኣብዚ ቅነ’ዚ፡ ብዙሓት ኤርትራውያን ስድራቤታት ዘይተሓስበ መርድእ ናይቶም ‘ደሓን ይህልዉ’ ኢለን ተስፋ ዝገብራሎም ዝነበራ ኣባላተን ክቕበላ እየን። ከም ደቅ ህዝቢ መጠን፡ እዚ መርድእ ኣዝዩ የጉህየና፡ ተኻፈልቲ ናይዚ ድቃስ ዝኸልእ ሓዘን ምዃንና ድማ ንገልጽ።

ንጠንቂን ተሓታትነትን ንጻባጸበሉ እዋን ግዝይኡ እኳ እንተሃለዎ፡ ሎምን ኣብዛ መራር ግዝየ ሓዘን እዚኣን ግና፡ ነቶም ዝሓለፉ ኣሕዋትና ኣሕትናን ፈጣሪ ናይ ዘለኣለም ዕረፍቲ ክህቦም ንምነየሎም፡ ንኹሎም ስድራቤት እዞም ኣሓዋትን ኣሓትን ድማ “ጽንዓት ይሃብኩም” ንብል። ንመራሕቲ ሃይማኖታትን፡ ወራዙት ዓበይቲ ዓድን ድማ፡ ኣብ ርእሲ ልቦም፡ ንሕዙናት ዘጸናንዑሉ፡ ሞራል ሓዘንተኛታት ብመሪር ሓዘን ተዳቒቑ ከይተርፍ፡ ሓፍ ናይ ምባሉ ከቢድ ሓላፍነት ከምዘለዎም ዘኪሮም፡ ኣብ መሳጊድ፡ ኣብያተ ክርስትያንን፡ ኣብ ቤት ሓዘንተኛታት ብምብጻሕ ዘጸናንዑሉን ስድራቤት ትብዓት ንኸሕድሩ ዝድርኹሉን እዋን ምዃኑ ነዘኻኽር።

ዓለምለኻዊ ምንቅስቓስ መንእሰያት ኤርትራ - EYGM
8 ሚያዝያ 2011


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...