![[AIM] Asmarino Independent Media](/images/logo/ailogo.png){kind=logo}
ፕረዚደንት ኢስያስ ኣፈወርቂ፣ ድሕሪ 24 ዓመት ዝግበር ዘሎ ፕረዚደንታዊ ምርጫ ሱዳን ብናይ ኤርትራ ማዕከናት ዜና ንከይፍኖ (ንከይመሓለለፍ) ንሚኒስትሪ ዜና መልእኽቲ ኣመሓላሊፉ።
ፕረዚደንት ኢስያስ ኣፈወርቂ፣ ድሕሪ 24 ዓመት ዝግበር ዘሎ ፕረዚደንታዊ ምርጫ ሱዳን ብናይ ኤርትራ ማዕከናት ዜና ንከይፍኖ (ንከይመሓለለፍ) ንሚኒስትሪ ዜና መልእኽቲ ኣመሓላሊፉ። ናይዚ ትእዛዝ ቀንዲ ምኽንያት ንዉሽጣዊ ሓልኪ (ናይ ዉሽጢ ሕዝቢ) ጽልዋ ከይምጽእን ኣብ ሱዳን ድሕሪ 24 ዓመት ዝግበር ዘሎ ፕረዚደንታዊ ምርጫ ዝምልከት ጽቡቕ ብስራት ንኸይስምዕ እዩ። ሃገረ ሱዳን፣ ፕረሲደንታውን ባይቶኣውን ንኣውራጃታት ከይተረፈ ዘመሓድሩ ዜጋታት፣ ኣብ ምምራጽ ትርከብ ኣላ። ፕረሲደንት ሱዳን ዑመር በሽር ብሰንኪ ዳርፉርን ኣብ ደቡብ ሱዳን ዘጋጥሞ ቅልውላዋትን፣ ዝወረዶ ተግሳፅን፣ ብተወሳኺ ድማ ኣብ ኣህጉራዊ ቤት ፍርዲ ዓለም ብጽንተት ክሱስ ስለዝኾነ፣ ኣብ ውሽጥን ኣብ ወጻኢን ተቐባልነትን ናይ ስልጣን መንበር ሕጋውነት ክለብስ ይደሊ ኣሎ ይብሉ ተዓዘብቲ።
ሕዝቢ ሱዳን ካብ ናይዚ ወርሒ እዚ ዕለት11 ክሳብ 15 (ተመጢጡ ኣሎ ብክልተ መዓልቲ) ፕረሲደንት፣ 450 ዝኣባላቱ ባይቶን ኣመሓደርቲ 25 መንግስታትን ይመርጽ ኣሎ። ኣብቲ ሓውሲ ነጻ ዝኾነ ክፋል ደቡብ ድማ ፕረሲደንትን 171 ዝኣባላቱ ባይቶ ክምረጹ ኢዮም። እዚ ምርጫ እዚ ነቲ ብሰንኪ ካልኣይ ኲናት ሕድሕድ ሱዳን ዝመጸ ግዚያዊ መንግስቲ ክትክእን ቀዋሚን ሕጋውን መንግስቲ ክተክልን ኢዩ።
ኤርትራ ካብ 1993 ጀሚራ ነጻ ካብ እትኸውን ፕረሲደንታዊ ምርጫ ኣይተኻየደን። ናይ ኢሳያስ ኣፈወርቂ ከምዚ ምባል ሕዝቢ ኤርትራ ናህና ግደኸ መዓስ እዩ ኢሉ ከይሓስብን፣ ይከኣል ኢዩ ኢሉ ሞራል ከይገብርን ኢዩ።
ዓወት ንሕዝቢ ኤርትራ
ሓበን ኤርትራ
ካብ ኣስመራ
