ኩልና ናብ ዋሽንግተን ዲሲ ንመርሽ

ሚዛን ሓይሊ ይቕየር ኣሎ። ደገፍቲ ህግደፍ ርእሶም ዘድንንሉ፡ ደለይቲ ለውጢ ኣፍልብና ነፊሕና ፍትሒ ንሓተሉ እዋን በጺሑ’ዩ።

ኩሉ ፍጻመ ነጥበ መቐይሮ ኣለዎ። እዚ ኣብ 25 ግንቦት ዝግበር ሰላማዊ ሰልፊ ፡ ኣብ 26ን 27ን ግንቦት ዝግበር ኮንፈረንስ ብዓይነቱ ፍሉይ፡ ብኣዋዳድብኡ ጽፉፍ፡ ንኩሉ ደላዪ ለውጢ ብሓደ ሓቚፉ፡ ወጽዓ ህዝብና ኣቃሊሑ ሰማዒ እዝኒ ክረክብ ብዓውታ ከጋውሕ ዝተቓነየ’ዩ። ኩርናዕ ቃልሲ ዝቕየሰሉ ህሞት’ዩ።

ህግደፍ፡ ነዚ ዓቢ ሻቕሎት ፈጢርሉ ዘሎ ናይ ደለይቲ ለውጢ ሰላማዊ ሰልፊ፡ ልዑል ምሽብሻብ ዝግበረሉ ዘሎ ኮንፈረንስ መንእሰያት ንምብዳህ፡ ን’ደገፍቱ’ ብኳሌትኦም ጎቲቱ፡ ብቴሌፎን ኣፈራሪሑ ግዙፍ ቁጽሪ ተሳተፍቲ ንምድላብ ለይትን መዓልትን ይሰርሕ ኣሎ። ተላኣኣኽቲ ህግደፍ ገዛ ገዛ እናደወሉ ንሰብ ላንጋ-ላንጋ ኣብቲ ዘይፍትሓዊ ህግደፍ ዘዳልዎ ዘሎ ሰላማዊ ሰልፊ ክሳተፉ ይቕስብዎም ኣለዉ።

ብግዴታን ውዲትን ዝተኣከበ መጋበርያ ፍሉያት ፍጥረት ክንዕብለል የብልናን።

ነዚ ወጽዓ ህዝብና ንምንዋሕ ዝዓለመ ሰላማዊ ሰልፊ ህግደፍ ንምክተሉ ግዜ ሕጂ’ዩ። እዚኣ ወሳኒትን ገምጋሚትን ግዜ’ያ። ለውጢ እንዳኣንፋሓኾት ክሳብ’ዚ ደረጃ’ዚ በጺሓ ኣላ፡ እግሪ ተኺላ ምረሻኣ ከተሰጉም ግን ናይ ኩላህና ደለይቲ ለውጢ ተሳትፎ ከድልያ’ዩ። ፍርሒ ስዒርና፡ ጎሮረና ስሒልና፡ ጸገም ህዝብና ከብቅዕ፡ ምልኪ ህግደፍ ከኸትም፡ ዘመናዊ ባርነት መንእሰያት ኣሕዋትና ሓንሳብን ንሓዋሩን ክዛዘም፡ ህልቂት ኤርትራውያን መንእሰያት ኣብ ምድረበዳታት ሲናይ ከኸትም፡ ብሓደ ድምጺ ብግዙፍ ቁጽሪ ንንቀሳቐሰላ ሰዓት ሕጂ’ዩ። ደገፍኩም የድልየና ኣሎ። እቲ ግዜ ሕጂ’ዩ።

ኣብ ኮንፈረንስ ዋሽንግተን ዲሲ ብዙሕ ቅያ ክስራሕ’ዩ። መንሽሮ ሕብረተሰብና ዝኾነ ስርዓት ህግደፍ ድኹምን ሓያልን ጎድንታቱ ክግምገም’ዩ፣ ናብ ዓወት ዘብጽሕ ናይ ቃልሲ ብሶላ ክድህሰስ’ዩ፣ ዓበይቲ ስነ-ጥበባውያን በዓላትና ከማዕርጉ ክላሃዩ’ዮም።  ኣብዚ ሰራሒ ታሪኽ ፍጻመ ክትሳተፉ ሕጂ መርሹ! ካብ ተዓዘብቲ ፍጻመ፡ ሰራሕቲ ፍጻመ ክትኮኑ ምረጹ።

ብዝተፈላለየ ምኽንያት፡ ኣብዚ ኮንፈረንስ ክትሳተፉ ዘይትኽእሉ ደለይቲ ለውጢ ግን፡ ገንዘባዊ ሓገዝ ብምብርካት ደገፍኩም ግለጹ። ዓወት ናይዚ ኮንፈረንስ ኣብ ኢድ ኩሉ ደላዪ ለውጢ’ዩ ዘሎ።  ውሑድ ኣበርክቶ ዝበሃል የለን። ናይ ሻሂ ባጀትኩም ወይ ናይ ምሳሕ መቑነንኩም እንተኣወፊኹም፡ ሕጽረታትና ሸፊኑ ኮንፈረስና ከም ትልምና ብዓወት ክወጽእ ንኡድ ተራ ክጻወት’ዩ። ሓሙሳ ለሚን ንሓደ ሰብ  ሰኸሙ፡ ንሓሙሳ ሰባት ግን ጨንኦም’የን። ጨና ክኾነኩም ሃየ እጃምኩም ኣልዕሉ። ናብ መርበብ ሓበሬታ http://www.eysc.net ብምኻድ ወፈያኹም ለግሱ። ዝከኣለኩም ግበሩ። ንዝያዳ ሓበሬታ 408-603-7040 ደውሉ።

ይኣክል ባርነት ንስመር ንሓርነት

ኣዳላዊት ኮሚተ ኮንፈረንስ ዋሽንግተን ዲሲ

21 ግንቦት 2012

 


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...