ሰልፊ ናህዳ ኤርትራ ነቲ ኣብ’ዚ ዝሓለፈ ቕንያት ፡ ኣብ ሕማም ዲክታቶር ኢሰያስ ኣተዂሩ ዝተፈነወ ተገራጫዊ ዜናታትን ዝሰዓበ ኩነታትን ብመንገዲ ፈጻሚ ቤት ጽሕፈቱ ኣቢሉ እቲ ሓቂ ንምፍላጥ ይከታሎ እኳ እንተሃለወ ፡ ሰልፊና ካብ’ቲ ኣብ ደምበ ተቓውሞን ጽፈት መደባቱን ዘለዎ ተገዳስነት ብምብጋስን ፡ ንህዝቢ ንምርግጋእን  ነዚ ዝስዕብ መልእኽቲ የመሓላልፍ።

1.    ዕላማ ገድሊናን ፖለቲካዊ ናይ ለውጢ ቃልሲና ኣብ ሞት ወይ ሕየት ናይ ዲክታቶር ዝምርኮስ ስለዘይኮነ ፡ ኣብ ኤርትራ ሱር ነቀል ለውጢ ክመጽእ ዝኽእል ፡ዲክታቶርን እቲ ንሱ ዝመርሖን ስርዓት ካብ ሱሩ ተማሕዩ ፡ ኣምሳይኡ ንህዝቢ መሰሉ ኣኽቢሩ ኣብ ጉዳዩ ባዕሉ ወሳኒ ዝገብር ስርዓት ንምትኻል ይኸውን ።

2.    እቲ ዘጓነፈ ኩነት፡ ህዝቢ ኤርትራ ኣብ ልዕሊ ስርዓት ህግደፍን ዲክታቶር ኢሰያስን ንዘለዎ ጽልኢ ዘጉልሐ ኣብ ርእሲ ምንባሩ ፡ ንኹሉ ደላይ ለውጢን ሰላምን ጥራይ ዘይኮነ ነቶም ነቲ ስርዓት ዝድግፉ ውን ከይተረፈ ናይ ሕልና እፎይታ ዝፈጥረ እዩ ነይሩ።

3.    ስርዓት ህግደፍ ማዕረ ክንደይ ካብ ህዝቢ ተነጺሉ ከምዘሎ ዘረጋገጸ ኩነት እኳ እንተነበረ ፡  ህዝቢ ኤርትራ ኣብ ውሽጢ’ቲ ህሞት እናሃለወ፡ ካብ ህሉው ኩነታት ብምብጋስ ነቲ ከም መተካእታ ክመጽእ ዝኽእል ስርዓትን ብቕዓቱን  ኣመልኪቱ ክሻቐል ኣብ ዝተራእየሉ፡ ገለ ናይ ተቓውሞ ሓይሊታት ፡ ሕድሪ ስዉኣት ንምትግባር  ሓድነት ህዝቢን ሃገርን ክሕልዋ ምዃነን ዝሕብር መግለጺ ምውጽአን ንህዝቢ ርግኣት ዝፈጠረ ኣዉታዊ ስጉምቲ እዩ ነይሩ።

4.    እቲ ዘጓነፈ ኩነት ፡ ኣብ ውሽጢን ደገን ዝነብር ህዝቢና ኣብ ለውጢ ዘለዎ ድልየት ሓደ ምዃኑ ዘብረሀ እዩ ነይሩ ። እዚ ውን ንዓና ከም ኣካል ተቓውሞ መጠን ታሪኻዊ ሓላፍነት ዘሰክም ብምዃኑ ፡ ኩሉ ሓይልና ብምእካብ ነዚ ተፈጢሩ ዘሉ ኩነት ኣብ ጥቅምና ፡ ጥቕሚ ህዝቢ ንምውዓል ሓቢርና ክንሰርሕን ፡ ነዚ ንህዝቢና እንትርፎ ሁከትን መከራን ፡ ኣቕሲንዎን ሰላም ሂብዎን ዘይፈልጥ ስርዓት፡ ንምጥፋእ ሓቢርና ክንሰርሕ ዘዘኻኽረ ኩነት እዩ ነይሩ ።

5.    ነዚ ተኸስቱ ዘሎ ኩነት ፡ ረብሓ ህዝብና ብዘረጋግጽን ፡ ህዝቢ ኣብ ልዕሌና ኣንቢርዎ ዘሎ እምነት ብዘዕዝዝን ኣገባብ  ፡ ነቲ ተስፋ ህዝቢና ኮይኑ ዘሎ  ኤርትራዊ ሃገራዊ ባይቶ ፡ መደባቱ ንምዕዋትን ፡ ብኹሎም ክፋላት ሕብረተሰብ ኤርትራን ፡ ኣህጉራዊ ማሕበረስብን ሕጋዊን ቅቡልን ንምግባሩን ፡ ኩላትና ኣብ ደምበ ተቓውሞ እንርከብ ሓይሊታት ካብ ዝኾነ ግዜ ንላዕሊ ኣብ’ዚ ሕጂ እዋን መሳርዕና ከነደልድል ጻውዒትና ነቕርብ።

6.    ኩለን ካብ ኤርትራዊ ሃገራዊ ባይቶ ወጻኢ ዝርከባ ናይ ፖለቲካ ሓይሊታት ፡ ኣብ ትሕቲ ጽላል ኤርትራዊ ሃገራዊ ባይቶ ክጽንበራን ፡ በቲ ኣብ ጉባኤ ዝጸደቐ ደምቢታቱ ተቐይደን  መደባቱ ንምዕዋትን፡ ድልየት ህዝቢ ንምምላእን ፡ ዝከኣለን ተራ ክጻወታ  ጻውዒትና ነቅርብ።

7.    ኩለን ወተሃደራዊ ክንፊ ዝውንና ውድባት ፡ ኣብ ሞንጎኤንን ኣብ ሞንጎ ኤርትራዊ  ሃገራዊ ባይቶን ፡ ንህዝቢ እምነትን እፎይታን ብዝፈጥርን፡ ንተንኮላት ህግደፍ ዕድል ብዘይህብን ኣገባብ ምውህሃድ ክገብራ ንጽውዕ።

8.    ምክልኻል ሓይሊታት ኤርትራ ፡ ሕመረት ዕላማኦም ንረብሓ ህዝቢ ምቕዳም ክንዲዝኾነ ፡ ኣብ ክንዲ ነቶም ንህዝቢ ዝጭቁኑ ዘለዉ ናይ ህግደፍ ሓለፍቲ ምሕላው ፡ ሕድሪ ስዉኣት ከኽብሩን ነቲ በቲ ስርዓት ዝግፋዕ ዘሎ ህዝቦም ክከላኸሉሉን ሰነድ ክኾኑዎን ኣንጻር እቲ ስርዓት ምልዕዓል ክገብሩን ንጽውዕ ።

9.    ኩለን ጎረባብቲ ሃገራትን ፡ ትካላት ኣህጉራዊ ማሕበረሰባትን ፡ ደለይቲ ሰላምን ፍትሒን  ደሞክራሲን ዝኾና ሃገራትን ፡  ኣብ ጎኒ’ቲ ብሰንኪ ዲክታቶርያዊ ስርዓት ህግደፍ ሓሳረ መከራ ዘሕልፍ ዘሎ ውጹዕ ህዝቢ ኤርትራ ብምዃን ደው ክብላን፡ ነቲ ተስፋ ህዝቢ ኮይኑ ዘሎ ሃገራዊ ባይቶ ደገፈን ከበርክታን እንጸዋዕና፡ ስርዓት ህግደፍ ናይ ምእላይን  ኣብ ኤርትራ ሰላምን ቕሳነትን ናይ ምስፋንን ሓላፍነት ናይ ህዝቢ ኤርትራ ጥራይ ምዃኑ ነረጋግጽ።

ክብሪን ሞጎሰን ንህዝቢና
ዓወት ንደሞክራስያዊን ፍትሓዊን ቃልሲና
ዘልኣለማዊ ዝኽሪ ንስዉኣትና
ፈጻሚ ቤት ጽሕፈት
10/5/2012


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...