ኤርትራዊ ንሃገሩ እቲ’ምሰሉ ንመንበሩ ተቓሊሱ (ሻብዓይ ክፋል)

ንዓዲ ጀጋኑ ኤርትራና ምስ ኮነላ ኣርሓ

ወዲ ጓል’ዞም የሓ

ተገሪማ ህዝብና ሰኪሓ፡

ኣንታ ወደርብዓ መወለድካ ተምቤን

ንኣከለ-ጉዛይ ሰራየ ሓማሴን

ንሰንሒት ባርካ ላዕላይ ታሕታይ ተከዘ ዝዋሰን

ንሳሕል ንሰምሃር ደንከል ምድሪ ሰገን

ኣይንታየን ኢኻ ኣይንታየን

ጓና ከም ዝኾንካስ ተግባርካ የእምን

ንህዝቢ ኤርትራ ጻዕራም ዘይልምን

ርዒዱ ክደንን

ጨቍንካ ሒዝካዮ ብጥምየት ብዕርቃን

ምዕይ ከምዘይብል ንጸጋም ንየማን

ኣብ ሜዳ ኔርካ’ኻ ዝነኣሰ ተመን

ብድሕሪ ናጽነት ምስ ጨበጥካ ስልጣን

ንህዝቢ ኰንካዮ ዓቢ ገበል ቀራን፡

ሎምስ ጓንነትካ በሪሃ ደሚቓ

ወያነ! ወያነ! ክትብል ብናይ ቃላት ጣቋ

ምሕዝነትካ ምስ ደምሓት ጠቢቓ

ኩሉ ኤርትራዊ ዘይምርቓ

ነዛ ዓዲ ሕጊ ኣብነት ኣፍሪቃ

ኤርትራ ሃገርና በጻሒ ዘድንቓ

ጨዊኻ ቅዋማ ስርዓታዊ ዕጥቃ

ብዋጋ ጊላነት ረሃጽ ደቃ

ባህርያዊ ሃብታ ናይ ቢሻ ናይ ዛራ ሰሪቕካዩ ወርቃ፡

ተሓታቲ ኢኻ ብጋህዲ ብስቱር

ቅዋም ኣየተግብር

ምርጫ ኣይገብር

ኣይፈትሕ እሱር፡

ኢልካ ካብ ትኣብዮ ንሲቪል ወተሃደር

ንዓኻ ኢሳያስ ናይ ሃገር ዲክታተር

ዘድልያኻ’ለዋ ክልተ ነገር

ፍርድኻ ክትቅበል ኣደልዲልካ ምእሳር

ወይ ድማ ግንባርካ ምፍጋም ብዓረር።

ሃረርታ ፍትሕን ሓቅን ዲሞክራስን ዘለዎ ኤርትራዊ