ወድ ዓሊ ነፍሱ ኢቀትላ

1) ሞታ ቤሎው ስዒድ ዓሊ ወነፍሱ ቀትላ እብ ሓሰ'ት

ሕኩመት እስያስ ኣምዕል ውዲት ፎርቶ ላሊ ኩላ ኢሰክበት

ሓልፋ ምና እድንያ እንደ ወልዓ ለበርሃት

ላኣክ'ል ቤለዩ ግል ኢስያስ ሰብኣ ፈዝዓ ለገርሀት

2) ቃዊ ቦሉ ወቅዩር ውዲት ፎርቶ ለቀብብ

አምዕል ታሪኽታ ወጸገም እስያስ ኣቴቱ ዲብ ግብ

ሃመት ገብኣት እግሉ ወሕማም ላኣጆምም ሃላ ወሰርብብ

ነፍሱ እግል ላኣዳፍእ ላሓሰ ሃላ ወቀብብ

3) ስዒድ ወድ ዓሊ ውዲት ዓባት ወዴካ

ምን ታሃለ እብ ብሶት ውምን መይ'ት ዕዳይካ ፈዴካ

ታሪኽ ባርህ ሓደግካ ወገበይ ኣማን ሓሬካ

ግል እስያስ ዋኣዝናቡ ዲብ መለግት ከሬካ

4) እሊቱ ሸዓብካ ገድም ሓሶሳ እት ዓድ ዋእት ከደን

ሰፋረቱ ኣተው ዲብ ሮማ ዋ ሱረቱ ሰብረው ዲብ ለንደን

ኩሉ ገቢል ፎእ ቤለዩ ከምሰል በትክ ወበደን

ፈርሃት ገድም ኢሃሌት እዳም ሓራ ከም ሞትካ እብ ሓበን

5) ኩሉ ሕበር ሓሶሳ ሓቆ ውዲት ናይ ፎርቶ

ስያስ ፈግራ ምን ሮሻኑ ዲብ እታ ወቦንቶ

እርትርያ ወሻዕባ ገድም ኩላ ኣቤቶ

6) ነፍሱ ቀትላ ቤለው እሊ ኩሉ ለወዳ

እት ገስሩ እንደ መጻ ግል እስያስ ሃደዳ

ምን መይ'ት ስሜት ሓድጋ ወሻዓብና ዋሓ'ዳ

ጀነ'ት ትቓሽዩ እልባብ ብዝሓም ኣብረዳ

ኣንቲ ኤረይ ኩሕሎ

ራህዋኺ ቀሪቡ'ሎ

ወዲ እፎም ክዕሎ