ዕውት ጉባኤ ነጻ ማሕበር ደቂ ኣንስትዮ ጨንፈር ጀርመን

ነጻ ማሕበር ደቂ ኣንስትዮ ኤርትራ ንሰላምን ዲሞክራስን ጨንፈር ጀርመን፡ ብዕለት 8-12-2012 ኣብ ከተማ ካስል ጉባኤ ኣካይደን።

ጉባኤኛታት ማሕበር፡- ብ’’ ደቂ-ኣንስትዮ ጭርሖ ኣልዕላ: ጭርሖ ኣልዕላ: ኣኺሉ’ዩ ግዜ ሰዓት ደዊላ፡ ሰዓት ደዊላ ’’ ብዝብል ሰውራዊ መዝሙር ጉባኤ ተኽፍተ።

ነጻ ማሕበር ደቂ-ኣንስትዮ ኤርትራ ንሰላምን ዲሞክራስን ጨንፈር ጀርመን፡ ብዕሊ ካብ ዝምስረት ዘካየዶም ንጥፈታትን ዘጋጠምዎ ከበድቲ ዕንቅፋታትን ሕልኽልኻትን ዘጠቓለለ ጸብጻብ ብግዝያዊት ሽማግለ ጨንፈር ድሕሪ ምቕራብ፡ ንጉባኤ አትመርሕ ስክረታርያ ካብ ጉባኤኛታት ተመሪጻ።

• ንዝቐረበ ጸብጻባት ብዕምቆት ብምርኣይን ተኻቲዐናሉ።

· ህንጻ ሕጊ መደብ ዕዮ ማሕበር፡- ድሕሪ ምንባብን አኹል ምምይይጥን ድሕሪ ምክያድን ብዲሞክራስያዊ ኣገባብ (ብድምጺ) ኣጽዲቕና። ኣብ መጠጨረሽታ፡ ብመሰረት ህንጻ ሕጊ ናጻ-ማሕበር፡ ንሓደ ዓመት አትመርሕ ሽማግለ (መሪሕነት) ነጻ ማሕበር ደቂ-ኣንስትዮ ኤርትራ ንሰላምን ዲሞክራሲን ጨንፈር ጀርመን ብዲሞክራስያዊ ኣገባብ መሪጸን።

ንነጻ ማሕበር ደቂ-ኣንስትዮ ኤርትራ ንሰላምን ዲሞክራስን ጨንፈር ጀርመን ዝመርሓ  ካብ ጉባኤ ዝተመርጻ 4---ብጾት ኮይነን፡ አዘን ዝስዕባ አየን።

1. ኣደ-መምበር

2. ምክትል ኣደ-መምበር

3. ታሓዚት ገንዘብ

4. ተቖጻጻሪት ንብረት

አየን።

ጉባኤኛታት ኣገደስቲ ለበዋታትን ድሕሪ ምሕላፍ፡ መጻኢ መዓልቲ ደቂ-ኣንስትዮ ዓለም (8መጋቢት) 2013 ብድምቀት ንኸብዕልኦ ብምውሳን፡ ጉባኤ ብዓወት ተዛዚሙ።

በዚ ኣቓጣሚ ንኹለን ደቂ ኣንስትዮ ኤርትራውያን ብሃገረንን ህዝበንን ዝግደሳ ብሓባር ኮይነን ነዚ ዲክታቶራዊ ስርዓት ኣብ ምውራድ እጃመን ከበርክታ ይጽውዓ::

ክብርን ሞጎስን ንጀጋኑ ስዋትና::

ብዘይ ተሳትፎ ደቂ ኣንስትዮ ዝዕወት ቃልሲ የለን::