ፈስቲቫል ስቶኮሉም ንጥፍኣቶም ዘዐልም

ናይ ዕቡዳት ሕዋያት ፈስቲቫል ሽወደን

ብልኡኽ ስርዓት ኣስመራ ዝእለ ዝውነን

ራኣና ብደም ዝተጾምቀ ክኸፍት ሻምፓኝ

ናይ ደስ ደስ ናይቶም ኮላሊት ዝሸጥወን

ዓያሹ ብስብከት ማንኪ ተሰሊቦም

ጨካን ኣደ ድማ ብእልል ተሰኒዮም

ብጠላማት ኣቕሽሽቲ ምስ መሳቕሎም

ንሰይጣን ክውድሱ ብጸጋም ተሲኦም

ማንኪ ድኻሞም ኣዐርዩ ስለ ዝፈልጥ

ብዉሽጡ እናሳሓቐ መልእኽቱ የሳልጥ

ዘስተውዕለሉ ስለ ዝሳአነ ከም ዝልኽብጥ

ከዳናገር ከቕኒዩ ክሳብ መዓልቱ ትቕለጥ

ህግደፍ ክዳን እንተለበሱ ሰብ ዝመስሉ

ውሽጦም ተፈተሽካ ከም ኣድጊ ከም ዒሉ

ንድሕሪት እምበር ቅድሚት ዘየስተብህሉ

ጸሓይ ዓሪቡዎም ሃገርና ማዕቢላ እናበሉ

ካብ ጀርመን እንግሊዝ እንተኾነሎም

ሰባት ተኻሪዮም ገጀፍቲ ሰብ ቀላጽም

ኣሻሓት ከፊሎም ፈሺሎም ተሪፎም

ዘመነ ዕዳን ዒንዲዳ እዮም ኮይኖም

ብጥራዩ መሲሉዎም ሆሊኮፕተር ተራኣዩ

ብቐሊል ሪኦሞ ፖሊስ ዓጢቖም ተዘምበዩ

ከይተረዶኦም ዘራፍ ክብሉሉዮም ዘምሰዩ

ክሳብ ጸብጻብ ዝመጾም ተጠሊዖም ዘእውዩ

ተሓጒስና ብጀጋኑ መንእሰያትና ስመር

ብድምጽኹም ሪዒዱ ህግደፋዊ ፈገር

መሬት ጸቢባቶ ከም ድላዩ ከይዕንድር

ተኸርዲኑ ብደላይ ሰላም ብጀጋኑ ስመር

ነይረናና ዋዕሮታት ቆራጻት ሰብ ሓቦ

ሕድረን ዘይጠልማ ናይ ህዝበን ኣቓልቦ

ደኺምና ከይበላ ዘእውያሉ ንሽግሩ ንዓጸቦ

ከይተሓለላ ዘቃልዓ ንህግደፋውያን ደቀቦ

ናብ ኣንጭዋ ተቐይሮም ህግደፍ ደማሙ

ዘይፍታሕ ተዋስኦ ከህተፍትፉ ክሓልሙ

ከም ቀደም መሲሉዎም ክጭፍሩ ክቑዙሙ

ዎዮ ጉዳይ ዓወት ብግልባጡ ብኣና ተዛዚሙ

ኤረና ኩሑሎ ሎም ዘመን ሓዲዩሎ