እቶም ኣብ ኢትዮጵያ ተኣኪቦም ዘለዉ መንእሰያት ትማሊ ብዘጽደቕዎ መሰረት፡ ሓደ “ስምረት መንእሰያት ኤርትራ ንድሕነት ሃገር” ዝስሙ ማሕበር መስሪቶም። 9 ፈጸምቲ 10 ኣባላት ቦርድ ዘለውዎ፡ 19 ዝኣባላቱ መሪሕነት ኣቑሞም። 

በዚ መሰረት፡ ሙስጣፋ መሓመድ ኑር ካብ ኣሜሪካ፡ ፊሊሞን ፍትዊ ካብ ካናዳ፡ ካልድ ዓብዱ ካብ ኣውሮጳ፡ ዓብዲሰላም ኣልኣሚን ካብ ማእከላይ ምብራቕ፡ ሃብቶም መሓሪ ካብ እስራኤል፡ ሓሰን ጀዋይ ካብ ሱዳን እዮም።

ፌቨን ተስፋይ፡ ኢስማዒል ሽፋ (ካብ መዓስከር ስደተኛታት ማይ ዓይኒ)፡ ኣስመሮም ወልደገርስ፡ ዶክተር በረኸት ብርሃነ፡ ከማል ዓብዲራሕማን፡ ካብ ኣዲስ ኣበባ ኢትዮጵያ እዮም። ብመሰረት ኣቐዲሙ ዝተበጽሐ ስምምዕ፡ ማእከላይ ቤት ጽሕፈት ናይ’ዚ ምንቅስቓስ፡ ኣብ ኣዲስ ኣበባ ኰይኑ፡ በዞም ሙሉእ ጊዚኦም ክሰርሑ ዝወሰኑ 5 ሰባት ክካየድ እዩ።

ንጓል ኣንስተይቲ ብዝተሓዝአት ሓንቲ ቦታ፡ ልዋም ተወልደ ካብ ኣዲስ ኣበባ ተመሪጻ ኣላ። ካብ ደቡብ ኣፍሪቃን፡ ናይ ስደተኛታት መዓስከር ዓፋር ኣብ ኢትዮጵያን፡ ነፍስወከፎም ሓደ ሰብ ብሕጂ መሪጾም ክውክሉ ምኻኖም ገሊጾም ኣለዉ። 

መሓመድ ዑመር ካብ ሱዳን፡ ስሞኦን ንጉሰ ካብ ካናዳ፡ ተስፉጋብር ኣጽብሃ ካብ ኣሜሪካ ከምኡ’ውን ኢድሪስ ጃካሚኖ ካብ መዓስከር ሽመልባ ብወለንትኦም ዝነብርሉ ሃገራትን ቦታትን ሙሉእ ጊዚኦም ተወፍዮም ከምዝሰርሑ ንህዝቢ ኣፍሊጦም ኣለዉ።

እዚ ከም’ዚ ኢሉ ከሎ፡ እቶም መንእሰያት ኣብ ጉጅለታት ኣብ ዝተዛተይሉ እዋን፡ እዚ ተመስሪቱ ዘሎ ጥርናፈ፡ ነጻ ኮይኑ፡ ምስ ባይቶን ካለኦት ተቓወምቲ ሓይልታትን ተሓጋጊዙ ንኽሰርሕ እዩ።

ኣብ’ቲ ሎሚ ዝተዋህበ ናይ ሓባር ድምጺ ግን፡ ሓደ ኣባል ባይቶ፡ ኣባል ፈጻሚ ናይ’ዚ ሓዲሽ ተመስሪቱ ዘሎ ናይ መንእሰያት ስምረት ክኸውን ዝፈቅድ እዩ። ከምኡ ብምዃኑ፡ ብዙሓት ተሳተፍቲ፡ ስምረት መንእሰያት ኤርትራ ንድሕነት ሃገር፡ ከም’ቲ ዝግባእ ከየድምዕ ይኽእል እዩ ዝብል ስኽፍታ ኣሕዲርሎም ኣለዉ። 

ገለ መንእሰያት’ውን፡ ዋላ’ዃ፡ ነቲ ናይ ብዝሒ ድምጺ ዘኽብርዎ እንተመሰሉ፡ ኣብ ሓደ ክልተ ምሩጻት፡ ድሮ ዘለዎም ውልቃዊ ዕቃበታት ክገልጹ ጀሚሮም እዮም። 

እቶም ዝበዝሑ መንእሰያት ግን፡ በቲ ናይ ኣኼባ ውጽኢትን፡ በቲ ብናይ ኢትዮጵያ ናይ መንእሰያት ሊግ ዝተገብረሎም ናይ ምዝንጋዕ ምሸት ሓጐሶም ክገልጹ ኣምስዮም ኣለዉ።

እቶም ኣብ’ቲ ኣኼባ ክሳተፉ ዝቐነዩ መንእሰያት፡ ኣብ’ቲ ጽባሕ ናይ ንጉሆ ዘካይድዎ ናይ መወዳእታ ኣኼባ፡ ነዚ ሓድሽ መሪሕነት፡ ምኽሪን ለወባን ከመሓላልፉ እዮም። እቲ ዝወሃብ ምኽሪ ወይ ሓጋዚ ሓሳባት፡ ኣብ’ቲ ክዛተይሉ ዝቐነዩ ዛዕባታት ሙርኵስ ዝገበረ ክኸውን ተመዲቡ ኣሎ።

ቴድሮስ መንግስቱ
ጋዜጣ ሰላም
ኢትዮጵያ


Latest

መቓልሕ ርእሰ ዓንቀጽ:- ብሕታውያን ጋዜጣታት ኣብ ሓደጋ

እዘን መርኣያ ንግስነት ዲሞክራሲያዊ ሃዋህው ሃገርና ኮይነን ዘሎዋ ብሕታውያን ጋዜጣታት ኤርትራ፡ ኣብ ህዝቢ ልዑል ተቐባልነት ረኺበን ምህላወን ናይ...

መበገሲ ጉዳይ ተማሃሮ ዩኒቨርስቲ ጠንቅን ህሉው ደረጅኡን ካብ ጉዱሳት ተማሃሮ

እቲ ፍታሕ ናይ'ዚ ንከኹሉ ሃገራቒ ዘሻቀቓለ ጉዳይ ከተርእየና ዝተጸበናያ ዓርቢ ግን ካልእ ሰብ ዘይተጸበዮን ንከኹሉ ዘሕዘነን ዲፕሎማስያቒ ሃስያ(ውሽጣውን...

Eritrea: ኤርትራ ክውንቲ ክትከውን ካብ ዝወዓሉ ንሎሚ: ቃለ-መጠይቕ ምስ ሚኒስተር ጴጥሮስ ሰለሙን

ኣብ ህዝባዊ ግንባር እቲ ክእለት ዝበሃል ካብ ኣብ ውልቀ-ሰብ ዝያዳ ኣብቲ ውድብ ዝሰረጸ'ዩ” ኣቶ ጴጥሮስ ሰለሙን

ጋዜጣ ሰቲት ዓርቢ ነሓሰ 2001 - ዓሚዲ ንመኻኸር

ናይ ዝመጽእ ዝዀነ ይኹን ሳዕቤን ተሓታቲ መንዩ?ሄለን ዩኒቨርስቲ ኣስመራ ኣነ'ውን ኣብ ኣፈታትሓ ግርጭት ርእይቶይ ክህብ፡-ኣበድ ተስፋይ ኩነታት ከተማ ከረን ከመይ ኣሎቴድሮስ ካብ...

Eritrea: Who is Jermano Nati ~ ተጋዳላይ ጀርማኖ ናቲ መን'ዩ?

The following article was posted on asmarino on May 16, 2004 via Dmsi Harnet (Voice of Liberty)

“ዝመረጽናዮም ሚኒስተራት በብተራ ነፍስ-ወከፎም ንሓደ ዓመት ፕረዚደንት ይኾኑ”

ኣብ ወርሒ ጥሪ 2001 3 ሰባት ዝሓቖፈት ስዊዘርላንዳዊት ጉጅለ ሰራሕቲ ፊልም መጺኣ ነይራ። እቶም ሰባት ኣብ'ዚ ዓውድ'ዚ ተሞክሮታት ዝደለቡ ኮይኖም...