ኣብርሃም ኣፈወርቂ እቲ ምርኡይ!

• ድሕሪ ውግእ ምስ ወያነ ንኣብርሃም ኣፈወርቂ ካብ ኣስመራ ንኸይወጽእ ከልኪሎሞ፡ ንኽትወጽእ ሳዋ ከተገልግል ኣለካ ምስበልዎ፡ ዜግነተይ ናይ ጥልያን ኢሉ ከም ዝወጽእ ጌሮሞ።
• ኣብ መጀመርታ ተስዓታት ባህላዊ ጉዳያት ንኣብርሃም ንምጽላም ሙዚቓኻ ናይ ኣምሓርኛ ዝዘንበለ እዩ ብምባል ኣብ ጋዜጣ ሓዳስ ኤርትራ ኣርባዕተ ሕታማት ጺሒፎምሉ። ኣብርሃም ግን በዳሂ ስለዝኾነ ሓሙሽተ ጊዜ ኣብ ጋዜጣ ኤርትራ “ሙዚቃ ኣብ ዓለም ተወራራሲ እዩ” ብምባል ነቲ ናይ ሽዑ ጽጌረዳ ገብረኣምላኽ ናይ ሎሚ ብጻይ ዓሊ ዓብዱ በዲህዎ።  
• ኣብ ኣሜሪካ ብጉጅለ ህግደፍ ካብ መጀመርያ ዝመጸሉ ዓመታት “እቲ ገንዘብ እዩ ዝፈቱ፡ ኣይትኺድዎ” እናተባህለ ዘይተገብረ ጻዕሪ የለን። እዚ ስለ ዝኾነ ድማ ናይ ኣብርሃም መደባት ኩሉ ብውልቂ ዝተኻየደ ብህግደፍ ዘይተደገፈ (not endorsed) ዘይተገብረ ነበረ።

ኣብርሃም ትኩር ኣብ ርእሲ ምዃኑ ነቲ ኣብ ልዕሊኡ ብህግደፍን ኮራኩሮምን ዝተኻየደ ዘመተ ኣብ ብዙሕ ኣጋጣሚታት ብብሕቲ ፖሊቲካዊ ኣረኣእያኡ ይገልጽ ኔሩ። ከም ኤርትራዊ መጠን ንተግባራት ህግደፍ ኣብ ርእሲኡ ንዝተፈጸመ ረሲዑ፡ ኣብ መንእሰያት ኤርትራ ዝወርድ ዝነበረ ግፍዕን ዓመጽን ደቀንስትዮ ዝሓትት ዝነበረ ግዱስ ኤርትራዊ እዩ። ኣብርሃም ተመሊዅ በዚ መሰረት ድማ ጉጅለ ህግደፍ ከም ዘየገልግሎም ምስ ፈለጡ ምስኡ ምስራሕ ክጽዕሩ ፈቲኖም። ኣብርሃም ምኽሪ ብዙሓት ኣዕሩኽቱ ብምቕባል ንህግደፍ ከም መድረኽ ተጠቒሙ ነቲ መልእኽቱ ብስነ ጥበባዊ ክእለቱ የመሓላልፍ ኔሩ።

3) ቅንእን ምርኡይነትን

እንተተስተብሂሉ ብጀካ ኢሳያስ ኣፈወርቂ ካልእ ዝኾነ ይኹን ኤርትራዊ (ሞያኡን ሽመቱን ክእለቱን ተመክሮኡን) ብዘየገደስ ዋላ ንሓንቲ ሰዓት’ውን እንተኾነ ኣብ ዓይኒ ሰብን ዓለምን ክረአ ዘየፍቅድ ውልቀ መላኺ ኢሳያስ እዩ።

4) ኣማውታ ኣብርሃም ኣፈወርቂ
ኣብ ዲክታቶሪያዊ ስርዓት እንተ ብፖሊቲካዊ ኣረኣእያኻ እንተ ብንግዲ እንተ ብሞያ ዝና ዝፈጠረ ኤርትራዊ ሞይቱ ክብሃል እንከሎ የዋህነት ጥራሕ እዩ። ከመይ ትብሉ ትኾኑ። እዚ ዘሎ ስርዓት ብዝኾነ ይኹን ምኽንያት ዝና ዝፈጠረ ሰብ ምእዙዝነቱ እንተዘይድኣ ተረጋጊጹ ህይወቱ ኣብ ሓደጋ እዩ። ናይዚ መርኣያ ድማ ኣብ ታሪኽ ኢሳያስ ብዙሕ ጌዜ* ተራእዩ እዩ። ኢሳያስ ኣፈወርቂ ኣብ ናይ ብዙሓት ሰባት ህይወት ብደም ዝጠልቀየ ውልቀ-መላኺ እዩ። እዚ ምስ ኣብርሃም ብኸመይ ይተኣሳሰር ትብሉ ትኾኑ። ኣብርሃም ካብ ኣሜሪካ ንኤርትራ ቀንዲ መኸዲኡ ዝነበሮ ስነጥበባዊ ስርሓት ንምዕባይ ንዝነበሮ ህቡብነት ንምምዕባልን ቀጻልነት ዝንኡ ምርግጋጽ ስለዝነበረ እዚ ኣብ ዝሓለፈ ጌዜ ብዕሱባት ናይ ኢሳያስ ኣብ ኣሜሪካ ብዙሕ ተጻብኦታት ይግበረሉ ኔሩ እዩ። ድሕሪ’ዚ ናይ ኣስመራ ዑደቱ እቲ ህቡብነት ናይ ኣብርሃም ኣፈወርቂ ክውስኽ ድኣምበር ክንኪ ከምዘይከኣል ስለዝተረድኡ፡ ፖሊቲካዊ ተኣማንነት ህግደፍ ስለዘይብሉ፡ ኣብ ዝኾነ እዋን ኣንጻር ስርዓት ኢሳያስ ዘለዎ ስነጥበባዊ ክእለት ተጠቒሙ፡ ንስርዓት ኢሳያስ ክምክት ስለዝኽእል ከም ኣዝዩ ሓደገኛ ስለዝተራእየ ክዓብስዎ መሪጾም።

እቲ ዘገርም ቲቪ ኤረ ሞት ኣብርሃም ድሕሪ 6 መዓልቲ ብወግዒ ምንጋሮምን እቲ ኣማውታ ኢሎም ዘርእይዎ ቪድዮን ብኣቶ ሰይፉ (ካብ ዓዲ እንግሊዝ ዝኣተወ ብጥብቒ ምስ ህግደፍ ዝሰርሕ ነጋዳይን) ብኣቶ መኮንን (ተጋዳላይ ነበር ህ.ግ.ን ሎሚ ናይ ቤት ጽሕፈት ህግደፍ ኣብ ኣስመራ ናይ ሎጂስቲክስ ሓላፊ) ዝሃብዎ መግለጺ እዩ። ንሳቶም ኣብቲ ከባቢ ዝተፈጸመ ድኣ እዮም ተዛሪቦም እምበር ብርግጽ “ኣብርሃም ብኸምዚ ብኸምዚ ሞይቱ” ኣይበሉን። ብወሰን ወሰን “ኣነኳ ብዙሕ ሓምቢሰ ኣይክእልን እየ …ግን….ኣብቲ ከባቢ…ሑጻ ኔሩ….ወዘተ እናበልካ እዩ እቲ ቃለ መጠይቕ ተኻይዱ። እቲ ክቢ ናይ ስእሊ ካሜራ ኣብ ኣብርሃምን ሮበልን ጌርካ ነቲ ካብኦም ፍንትት ኢሉ ዝነበረ ……ዝበሃል ኣብ ቀብሪ ዝተገብረ ቃለ መጠይቕ ኣርእዮም።

ከም ሰብ መጠን ኣብርሃም ኣፈወርቂ ህያው ኮይኑ ክነበር ኣይክእልን እዩ። እዚ ማለት ኣብርሃም ብባህርያዊ ሓደጋ ኣብ ኤርትራ ክመውት ኣይክእልን እዩ ማለት ኣይኮነን። ኣብርሃም ብዙሕ ጌዜ ተመላሊሱን ነቢሩን እዩ። ከምእውን ኣብ ዓዲ ጥልያን ኣብ ሮማ ዓብዩ ካብ ኣብ ኤርትራ ዘሎ ማዕበል ንላዕሊ ዘለዎ ቦታትት ክሕምብስ ተራእዩ እዩ። ስለዚ እዚ ምስጢራዊ ኣማውታ ኣብርሃም ብዝኾነ ይኹን መንገዲ ምሉእ ትርጉም ኣይህብን። ኣብርሃም ፖሊቲካዊ ግዳይ ናይ ምርእዩነቱ እዩ። ማለት ብኢዱ እኳ እንተዘይኮነ ብኢድ ኣዙር ግዳይ ናይ ብደም ዝጠልቀየ ኢሳያስ ኣፈወርቂ ኮይኑ ኣሎ። እዚ ኣይኮነን ኢልካ ምሕሳብ ከምቲ ኢሳያስ ባዕሉ ዝብሎ “የዋህነት” ጥራሕ እዩ።
ድሕሪ ሞቱ ድማ እንሆ ናይ ህ.ግ.ደ.ፍ. ገንዘብ መእከቢ ኾይኑ ተሪፉ ኣሎ።

ንዝያዳ ሓበሬታ ኣብ http://www.negarit.org/index