الـمـواطـن ما كـفـر

ወዲ ዓዲ ኣማኒ'ዩ ከቶ ኣይከሓደን
ኣንቢቡ'ዩ መጽሓፉ እምቢ ኣይበለን
ገንዘቡ ኣብ ወጻኢ ባንክታት ኣየቐመጠን
እምነት ኣየጉደለን ሓቂ ኣየጥፈአን።

የቐንየለን ወዲ ዓዲ ስለ እምነትካ
ፍትሒ ኣይዓምጸጽካን ደስ ይበልካ
40 ዓመት ንህዝብኻ ኣይቀዘፍካ
ቢልዮናት ህዝብኻ ኣይሰረቕካ ኣይገበትካ።

ንህዝብኻ ዘይምስራቕ ድሕነት'ዩ
ንህዝብኻ ዘይምስራቕ ሓርነት'ዩ
ጸጋታት ሃገር ዘይምግባት እምነት'ዩ
ወዲ ዓዲ ኣይከሓደን ኣማኒ'ዩ።

ወዲ ዓዲ ሕያዋይ'ዩ ምቕሉል
ንውልቃዊ ረብሓ ዘይብል ግልል
ኣብ በዓል ህዝቡ ምስኡ ዝጽንብል
ኣብ ሓዘኑ ምስ ህዝቡ ዝሓምም ዝቖስል።

ወዲ ዓዲ ኣማኒ'ዩ ኣየበሳበሰን ንዓመታት
ንመሻይኽ ንኣቕሽሽቲ ኣየእቱን ኣብ መዓት
ይብይን ሓቂ ኣብ ኩሉ ጊዜያት
ኣይክሕድን ኣብ መዓልታት ለይትታት።

ወዲ ዓዲ ይብጻሕካ ምስጋና
ስለ እምነትካ እብለካ ዮሃና
ስለ ናጽነት እብለካ ዮሃና
እምነትካ ከይተጥፍእ ሓደራ ኣማና
ኣብ እምነትካ ጽናዕ ምእንታኻ ንዓና።

ወዲ ኣዲ ከቶ ኣይከሓደን
ኣንቢቡ'ዩ መጽሓፉ እምቢ ኣይበለን።

Maazin Abdul Qhany
21-May-‘11