![[AIM] Asmarino Independent Media](/images/logo/ailogo.png){kind=logo}
ጽንብል ናይ ሳላሳ ዓመት ዶ ጽንብል ህግደፍ
ዝተሰወኤት ብጉዳይ ሓድነት ክትዝቲ
በዓል መን እዮም ናይዚ ተሓተቲ
ምስ ብጻያ ዝተሰዉኡ በሓንቲ መዓልቲ
ምስ ስዉእ እስራኤል ምስግና
ክዝትዩ ዝተሰዉኡ ብጉዳይ ሓድነትና
እዚ እዩ ታሪኻ ሻዕቢያ
ንደለይቲ ፍትሒ ጸኒሓቶም ኣድቢያ።
ኣበይ እሞ እተን ጀጋኑ እተዝህልዋ
ኣብ ግንባራት ዝተሰዋኣ ዓዲ እንዳ ሓለዋ
ንመሰለንን ንናጽነትን ዝተበጀዋ።
መስዋእተን ኣይነበረን ስልጣን ምልኪ ክሕሎ
ኣተሰዋኣን’ውን ስልጣን በዓል ኣስካሉ ክሕሎ
መስዋእተን ኔሩ ንህዝብና ከሓልፈሉ
ኣሎዋ ሰብ መሰል ተኳሉ።
ትእዛዝ ህግድፍ ዝቅበላ
ህግድፍ ክሳብ ዘሎ ዝለላ
ወከልቲ ደቂ ኣንስትዮ ኢና ኣይትበላ
ዘይትብላ ግዳ ኣስቴር ኣበይ ኣላ
ዘይትብላ ግዳ ሰናዪት ኣበይ ኣላ
ዋህዮታት ህግድፍ በላ ዓልላ
ዕምሪ ምልኪ ከተናውሓ ንዮው ነጆው በላ
ስዋኣተን ጠሊመን ንምልኪ ዘገልግላ።
ኣብ ደንበ ተቃውሞ’ውን ኣለዋ
ጽቡቅ ዘለዋ መሲልወን ዘባላሽዋ
ቀሚሸይ ንቑልቑል ኣይትበላ
ካብ ጌጋኽን ክትማሃራ ነቐፈታ ተቐበላ።
ኤረና ንለብዘበን እንበር ንዓመታስ ሸዊት ለምለም ክትከውን እያ።
ክብሪን ዝኽሪን ንጀጋኑ ስዋኣትና
ዓወት ነቲ ደም ዘንበዕዘሎ ንህዝቢ ኤረትራ
ውድቀት ንጃንዳ ህግድፍን ዓንገልቶምን።
ካብ ሕድሪ ስዋኣቱ ዘይጠለመ።
