ኤርትራ፦ ሕቡራት ሃገራት ንጉዳይ ኤርትራ ተግባራዊ ውሳኔ ክግበረሉ ዘኽእል ድምጺ ብምሃብ ሓድሽ እማመ  ክሓልፍ ምውሳኑ፡ ኤርትራውያን ማሕበራት ደለይቲ ፍትሒ ደገፈን ይገልጻ።

ባይቶ ሕቡራት ሃገራት ኣብ ሰብኣዊ መሰላት ሎሚ ካብ ጀነቫ በቲ ብመርማሪት ኮምሽን ሕቡራት ሃገራት ዝቐረበ ጸብጻብ ተሞርኪሶም ኣብ ኤርትራ ኣብ ወተሃደራዊ ኑቕጣታት፣ መዳጎኒ መዓስከራትን ካልእ ቦታታትን ተፈጺሙ ዝበሎ ግህሰት ኣንጻር ሰብኣውነት ኣብ ባይቶ ጸጥታ ሕቡራት ሃገራት ተላኢኹ ተግባራዊ ውሳኔ ክግበረሉ ዘኽእል ድምጺ ብምሃብ ሓድሽ እማመ ኣሚሞም።

መርማሪት ኮምሽን ሕቡራት ሃገራት ኣብ ኤርትራ ባርነት፣ ኢሰብኣዊ መግረፍቲ፣ ጾታዊ ዓመጽ፣ ቅትለት፣ ምስዋርን ካልኦት ኢሰብኣዊ ተግባራትን ከምዝተፈጸመ እያ ኣረጋጊጻ። እንተኾነ ላዕለዎት መራሕቲ ኤርትራ ነቲ ዝቐረበ ክሲ ኩሉን ብሙሉኡን መሰረት ዘይብሉን ፖለቲካዊ ዕላማ ዝገበረን'ዩ ክብሉ ነጺጎምዎ እዮም።

ብዓሰርተታት ኣሽሓት ዝቑጸሩ ኤርትራውያን ኣብ ጀነቫ፣ ኣዲስ ኣበባ፣ ተልኣቪቭን መዓስከራት ስደተኛታት ኢትዮጵያን ብምእካብ መራሕቶም ኣብ ኤርትራ ብግህሰት ኣንጻር ሰብኣውነት ተሓተቲ እዮም ብምባል ዝግብኦም ፍርዲ ክረኽቡ ከምዝግባእን እቲ ግህሰት ደው ክብል ኣለዎ፣ ብፍላይ መራሒ ኤርትራ ኣቶ ኢሳያስ ኣፈወርቂ ናብ ፍርዲ ክቐርብ ኣለዎ ክብሉ ጸዊዖም'ዮም።

ኣብቲ ዝተገብረ ሰላማዊ ሰልፍታት ሓያሎ መቕርብ ግዳያት እሱራት ጋዜጠኛታትን ፖለቲከኛታትን መራሕቲ ሃይማኖትን ተረኺቦም ነይሮም። ወደብቲ'ቲ ዝተኻየደ ሰላማዊ ሰልፊ ብስም ተሳተፍቲ ጀነቫ 23 ንሃገራት ጁቡትን ሶማልያን በቲ ብዘየወላውል ኣብ ኤርትራ ዝተፈጸመ ግህሰት ኣንጻር ሰብኣውነት ናብ ባይቶ ጸጥታ ሕቡራት ሃገራት ሓሊፉ ተግባራዊ ውሳኔ ክግበረሉ ኣለዎ ኢሎም ዝወሰድዎ ተሪር መርገጺ ኣመስጊኑ።

እዚ ቀሪቡ ዘሎ እማመ ንኣዳለውትን ተሳተፍትን ጀነቫ 23 ዓቢ ዓወት'ዩ ከመይሲ ኣማኻሪ መራሒ ህግደፍ ኣቶ የማነ ገብረኣብ ማንኪ እዚ ጸብጻብን ክስን ክንጸግ ብሙሉእ ሓይሉ እዩ ክንቀሳቐስ ጸኒሑ። እቲ እማመ ሕቡራት ሃገራት በቲ ንሕና ንጠልቦ ብምሕላፉ እምበኣር ዕወት'ዩ።

ሰላም ኪዳነ ሓንቲ ካብ ወደብቲ ኣካላት ጀነቫ 23 ነቲ እማመ ብሓጎስ ከም እትቕበሎ ድሕሪ ምግላጻ፣ እዚ ነቲ ኣብ ኤርትራ ዘሎ በደል ደው ንምባል ሓደ ዝላ ንቕድሚት ዝወስድ'ዩ ኢላ። ግህሰት ኣንጻር ሰብኣውነት ኣብ ኤርትራ ኮነ ኢልካ ብምልካዊ ስርዓት ኢሳያስ ንህዝቢ ኤርትራ ንምምብርካኽን ኣብ ትሕቲ ከቢድ ፍርሒ ሸሚምካ ንምግዛእን ተባሂሉ ዝተፈጸመ ሙዃኑ ኸኣ ሓቢራ። መወዳእታ ናይ'ዚ ግፍዕታት ማለት ከኣ መጀመርታ ናይ መወዳእታ ናይቲ መላኺ ስርዓት'ዩሞ ነቲ ብባይቶ ሰብኣዊ መሰላት ሕቡራት ሃገራት ዝቐረበ እማመ ኣእዳውና ዘርጊሕና ንቕበሎ ክትብል ገሊጻ።

ባይቶ ሰብኣዊ መሰላት ሕቡራት ሃገራት ንገበናት ላዕለዎት መራሕቲ ፖለቲካዊ ትካል ህዝባዊ ግንባር ንደሞክራስን ፍትሕን ላዕለዎት ወተሃደራዊ መኮንናት ህግደፍን ዝገልጽ ፋይላትን መርትዓታትን ኣዳልዩ ከምዘሎ ኣፍሊጡ'ሎ።


መተሓሳሰቢ፣ መርማሪት ኮምሽን ሕቡራት ሃገራት ንኽልተ ዓመታት ኣብ ኤርትራ ተፈጺሙ ዝተባህለ ገበናት ኣንጻር ሰብኣውነት ንምጽራይ ድሕሪ ምስራሕ ናይ መወዳእታ ስርሑ ብዕለት 8 ሰነ 2016 ክዉን ገይሩ።

ንሙሉእን ተወሳኺ ሓበሬታን ብኽብረትኩም ን ዛራ ተወልደብርሃን ተወከሱ ኢሜይል This email address is being protected from spambots. You need JavaScript enabled to view it. ተሌፎን 00447793469862


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...