ስርዓት ህ.ግ.ደ.ፍ. ሎሚ ወጋሕታ ዕለት 15.03.2015 ኣባይቲ ዜጋታት ኣብ ከተማ ዓዲ ቐይሕ ከፍርስ ከም ዝጀመረ ካብ’ቲ ቦታ ዝበጽሓና ዜና ኣፍሊጡ። እዚ ኣሬመናዊ ተግባር’ዚ ስርዓት ህ.ግ.ደ.ፍ. ድሕሪ ምእዋጅ ናይ ምንቅስቓስ እገዳን (ኮብሪ ፎኮ) ዓቢ ዝቝጽሩ ሰራዊት ኣብቲ ከተማ ምዝርጋሓን ከም ዘካየዶ እቲ ዝበጽሓና ዜና ብተወሳኺ ሓቢሩ። ከምቲ ኣብ ዝሓለፈ ፈተንኡ ተመሃሮን መንእሰያትን ከይ ገጥምዎ ስለ ዝሰግአ፡ ኣዕናዊ ዕማሙ ኣብ ምፍጻም ተማሃሮ ዘዕርፍሉ ሰንበት መዓልቲ ምምራጹ ኮነ ኢሉ ብመደብ ዝገበሮ ምዃኑ ካብ ውሽጢ’ቲ ስርዓት ዝመንጨወ ሓበሬታ ኣረጋጊጹ። ኣብ ዝሓለፈ መዓልታት፡ ስርዓት ህ.ግ.ደ.ፍ. ህዝባዊ ናዕቢ ኣላዓዒሎም ኢሉ ዝኸሶም ብዙሓት ኣገደስቲ ባእታት ኣብ ከተማ ዓዲ ቀይሕ ኣሲሩ ምንባሩ ኣብ ዝሓለፈ ዜናና ገሊጽና ነይርና። ሕጂ’ውን ብዓርቢ ዕለት 13/03/2015 እዞም ዝስዕቡ ኣርባዕተ ኣገደስቲ ባእታት፡ እሳቶም ከኣ፣ ሓላፊ ኣውቓፍ ኣብ ዓዲ ቀይሕ ኣቶ ዑስማን ሓጅ ሱለይማ፣ ኣቶ መሓመድ ኦና፣ ወዲ ጎርጆ (ነጋዳይ) ከምኡ’ውን ወዲ ቕሺ፡ ከም ዝኣሰረ ተፈሊጡ።
 
“ድሕነት ህዝብን ሃገርን ልዕሊ ኩሉ” !!
 
ቤት ጽሕፈት ዜናን ባህልን ግ.ሃ.ድ.ኤ.
 
15/03/2015 

Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...