ዶክቶር ስዩም  እሩም ኣንደበቱ
ሃተፍተፍ ዘይብል ምስ ትዕግስቱ
ወዲ ከንቲባ ሓረጎት ያኢ ሞይቱ
ኣርኪብዎምዶ ነቶም ኣቦታቱ
ነገስታት ኢትዮጵያ መዋስብቱ
ትግራይ ትግሪንኚ መዋልድቱ
ወሊዱዩ ኣንጊሁ ብጊሓቱ።

ወዲ ዓደይ!
ኣርባዕተ ኣስመራ ዝዓድኻ
ሰራየ ሓማስየን ኣከለጉዛይ ትውልድኻ
ንዝተረፈ ተርክበሉ ኣብ መውስቦኻ
ወዲ ደጋን ቖላን ኢኻ
ሬስኻ ኸይዱዶ እንዳ ኣቦኻ
እዋንካ ኣኺሉ ጨሪሽካ ተፋኒኻ።

ንስዩም ሓወይ ክነግረሉ ናቱ
ኣብ ብሉጽ ኮለጅ ኣመሪካ ዝትምህርቱ
ኣብ ዓልም ዓበይቲ ኣለዉ መማህርቱ
ጃንሆይ ዝሸሞ ኣብ ንግስነቱ
ቁምነገርኛዩ  ኣብ ግዜ ንእስነቱ
ንህዝቢ ዎሎ ነጊሩሎም ጥምየቱ መዓቱ
ናይ ተመሃሮ ባህርዳር ዝተኻፋለ ብሰዓቱ
ኣብ መሬት ኮፍ ኢሉ ዝዝቲ ምስ የሕዋቱ
ኣውዮብስ ሰታዮ ኣምጸኣሎም ንዓዶም ዘእቱ።

ክቡር ዶክቶር! እዛ ደብዳቤ ተማላ ኣለይ!!!!!!!!!!!!!!!!!!!!

“ተላኣኸና ኣብ ኢድካ ተኾልኮላ!!!!
ናብ ስውኣት ኤርትራ መዕረፊ ግበረላ
ትሕዝቶኣ ቅልዕቲ እያ ሕብእብእ ዘይብላ

ሰላም ስዉኣትና ኹሉኹም ብጠቕላላ
ብዲሕሬኹም ሃገርና ባንደራ ሰቒላ
እንተኾነ ዜግነታ ኮነ መንነታ ተመንጢላ
ጀጋኑ ደቃ ኣብ ቐይዲ ተእቱላ
ለባማት ሰበ ስልጣን ኣትዮም ኣብ ሸላ
ተመሃሮ ዩኒቨርሲቲ ተዳጉኖም ኣብ ቆላ
ዊዓ ተወሲዶም ተቐልዉ ከም መሸላ
ዒራ ዒሮ ብሙሁራት መሊኣ ኣላ
ፎቆድኡ ዶባት ምድሪ ቆላ
ኣስካሬን መንእሰይ ተዘርጊሓላ።
እንተ ዘይሰማዕኩም ሕጂ ክነግረኩም
ኣነ ከይነግርኩም ኣርሒቕኩም ሰፊርኩም
ሕጂ እንሆ እዛ ደብዳቤ ትንገርኩም።

ስደት ዝነበሩ ኣይተመልሱን ብኹሎም
ጠጦው ኣይበለን ምስዳድ ብደቂ ዓድኹም
ህዝቢ ኣይጠዓሞን ብድሕረኹም።

ናፍቖትኩም ጠፊኡና ምስቲ ፍቕርኹም
መንሞ ተሪፉ ኣይተሰድን ከይንብለኩም
ኣብ ማእሰርቲ ሊብያ ይጠንሳ ኣሕዋትኩም
ኣብ ማእከላይ ባሕሪ ይጥሕሉ ስድራኹም
ኣብ ሑጻ ምደርበዳ ይድፈኑ ህዝብኹም
ኣብ ሲናይ ይዕመጻ ኣዋልድኩም
ልብን ኩሊትን ይሽየጥ ናይ ደቂኹም
ጛኖት ኣይኮኑን ኣዝማደይ ኣዝማድኩም
ኣብ ስደት ክጸንቱ መንእሰያት ሃገርኩም
እንተ ዘይሰማዕሚዕኩም ኣቐዲምኩም
በዚ እሙን ዶክቶር ቡስጣና ይብጻሕኩም።

ሕክምና የልቦን ብድሕሬኹም
መሰል ደቅ ሰብ ጠፊኡዩ ስለ ዘየልኹም
ድኽነትን ጸገምን በዚሑዎ ዓደቦኹም
ፍትሒ ኣልቦ ኮይና ኣስመራኹም
ባርነትን ዉርደትን ተሰከምቲ ስድራኹም
ሓምሳ ሽሕ ክፈሉ ይባሃሉ ወለዲኹም
እንተ ንስኻትኩም ኣርሒቕኩም ሰፊርኩም
ጅግንነት የለን ብድሕሬኹም
በላዕ ጉቦ መሊኣ ሃገርኩም
ዓቕሊ ጸቢቡና ኢና ልኢኽናልኩም
እንታይ ክንገብር ድቃስ ከሊእናኩም
ፍለጥዎ ጸገምና ኣንብብዎ ኹሉኹም።”
ካን ኣብ ዓልም ዘለና ዘይጠዓሞ ህዝብኹም)

ስዩም ሓወይ ቀንደል እኮ ኔርኻ
ብዙሓት ኔርና ንጥምቶ ኣካያይዳኻ
ትጽቢት ነይሩና ክንምራሕ ብበዓል ከማኻ
ኣምላኽ ኣይፈቐዶን ክረብሕ ዓደቦኻ
ሓደራ እዛ`ደብዳበ ኣብጽሓለይ ኢኻ።

በል ድሓንኩን ኣኺሉ ጉዕዞኻ
ሰብ ኣይነብርን በጺሑ ታራኻ
ነቦይ እዝጊ ንገረልና ሽግር ዓድቦኻ።

ኪድበል ተበገስ ካብ ኣኸለት ሰዓታ
ክርስቶስ ይቀበልካ ኣብቲ ቅዱስ ቦታ
ኣደይ ማርያም ትቀበልካ ኣብ ቅናታ
ጽንዓት ይሃብኩም፡ ስድራ ቤት ብምልእታ።

ሃይለ ገብረትንሳኤ
ኢንድያናፖሊስ ኢንድያና ኣመሪካ

12 ለካቲት 2012

 


Help Andom, an Eritrean-American, get elected to Congress by donating at  andomforny.com/donate 

Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...