Senafe Bus Station
 
ስርዓት ህግደፍ፡ ሰንበት 15 መጋቢት ኣብ ከተማ ዓዲ ቐይሕ ብሰንበት ወጋሕታ ዝጀመሮ ምፍራስ ኣባይቲ ክሳብ  ትማል ዕራርቦ ሰኑይ 16 መጋቢት ቀጺሉዎ ከምዝወዓለ ነበርቲ ዓዲ ቐይሕ ኣረጋጊጾም። ነቲ አዕናዊ ወፍሪ ብምቅዋም፡ ቤቱ ንኸይፈርስ ዝተኸላኸለ መሓመድ ኦና ዝተባህለ ነባሪ ዓዲ ቕይሕ ኣቦ ከኣ፡ ሰንበት ወጋሕታ ኣብቲ ተልእኾ ብዝተዋፈሩ ልኡኻት ምልኪ ተኣሲሩ ምስተወስደ፡ ክሳብ ሕጂ ደሃዩ ከምዘይተፈልጠ ዘረድአ እቲ ሓበሬታ፡ ብድሕሪ ማእሰርቲ እቲ ወላዲ፣ መንበሪ ቤቱ  ፈሪሱ፡ ስድራ -ቤቱ  ብዘይ መዕቀልን መጽለልን  ኣብ ግዳም ከምዝተደርበኡ ነበርቲ እታ ከተማ ሓቢሮም።
 
እቲ አብ ከተማ ዓዲ ቐይሕ አባይቲ ዜጋታት ከፍርስ ዝቐነየ ሰራዊት ሎሚ ሰሉስ 17 መጋቢት አጋ ምሸት ኣባይቲ ዜጋታት ከፍርሰሎም ዝቐነየ መሸኒሪ ጸዓዒኑ  ስርሑ ንምቕጻል ናብ ከተማ ሰንዓፈ ከምዝኸ ካብቲ ከባቢ ዝበጸሓና ዜና ይሕብር፡፡ ኣቐዲሙ እቲ ስርዓት አብ ከተማ ሰገነይትን ሰንዓፈን ዝፈርስ አባይቲ ድሮ ቀይሕ ምልክት ተገይርሉ ከምዘሎ ተሓቢሩ ምንባሩ ይዝከር።
 
ኣብ ዕድመኦም ጨቖቕ ኢሎም ዘጥረዩዎ ፡ ቤትና ዝብሉዎ መጽለልን ዝርካቡ ንብረት ርእዮም ዝሰኣኑ ግዳያት ዓዲ ቐይሕ ሕሉፍ ጭካነ እዚ መላኺ ስርዓት ኣርሚሙዎም ምህላዉ ነቲ ኢሰብኣዊ ተግባር ዝተዓዘቡ ዜጋታት ሓቢሮም። እቲ ብዱዕ ስርዓት ኣብቲ ናይ ሰንበት ወፍሪ ዕንወቱ ኣስታት 30 ኣባይቲ ከምዘፍረሰ ተሓቢሩ ምንባሩ ዝዝከር ኮይኑ፡ ትማል ሰኑይ እውን ካልእ ሓያሎ ኣባይቲ ከምዝፈረሰ ተረጋጊጹ ኣሎ። 
 
ኣብ ውሽጥን ወጻእን ዝርከቡ ዜጋታት እዚ ኣብ ልዕሊ ህዝቡ ስዉር ኩናት ዝኣወጀ ምልካዊ ስርዓት ኣብ መላእ ሃገር ኣብ ዝተፈላለያ ከተማታት ንዝፍጽሞ ዘሎ እዱድ ወፍሪ ዕንወት ብምኹናን ነዚ ሃገር ዘባድምን ህዝቢ ዘብርስን ዘሎ እኩይ ስርዓት ድምጽናን ዓቕምናን አሕቢርና ክንገጥሞ ይምሕጸኑ ኣለው።
 
ብዛዕባ ዕንወት ኣባይቲ ዜጋታትና ብዝምልከት ተወሳኺ ሓበሬታ ኣብ ዝበጽሕና ግዜ ዝርዝራቱ ከነስዕበልኩም ኢና።

Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...