ሜጀር ጀነራል ተኽለ ማንጁስ ብደም ዝጨቀወ ብዋጋ ደም ኤሪትራውያን ኣብ ዝምወል ኣደራሽ ገዛ ኢዩ ዝነብር;;  ኣብ ናይሎሚ ናይ ህግደፍ ኤሪትራ  ገበን ውዕለት ኣለዎ:: ጀነራል ተኽለ ማንጁስ ብሰንኪ ኣብ ልዕሊንጹሃን ኤሪትራውያን ዘፍስሶ ዘሎ ደም ዋጋ ውዕለቱ ናጻ ኣደራሽን ምቹእ ሂወትን የሕልፍ:: እዚ ኣብ ማእከል ሕምብርቲ ከተማ ኣስመራ ቁጽሪ 4 ጎደና ሰማእታት (1A 175/175-2/4) ምስ ስድርኡ ዝነብር ጀነራል ተኽለ ማንጁስ እቲ ልሙድ ምቁራጽ ሓይሊ ኤለክትሪክ ኣብ ኣስመራ ፈጺኡ ኣይጸልዎን ኢዩ::ከመይሲ ኣስመራ ብምሉኣ ክትጽልምትከላ መዓልትን ለይትን ጂጅ ዝብላ ጀነረይተራት ስለ ዘለውኦ ስቃይ ህዝቢ ኣይዓጦን ኢዩ::   ህዝባዊ መጎዓዝያ ብሰንኪ ዋሕዲነዳዲ ደው ኢልሉ ኣብ ዘሎ ንሱን ስድራቤቱን እተን ምቹኣት መካይኖም ደው ኢለን ኣይፈልጣን:: ንኣብነት ወዱ ንተኽለ ማንጁስ ጸላም ሰማያዊት ቶዮታ (Toyota RAV 4) ይዝውር:: መንእሰያት ኣስመራ ብሰንኪ ግፋ መሬት ከምዕንቊ ጸቢባቶም ከላ እቶም መንእሰያት ደቁ ኣይምልከቶምንኢዩ:: ፍሉጣት ሃብታማት ኣስመራን ላዕለዎት ሚኒስተራት መንግስትን ብመጠን ዘይብሉ ሃብትን ብምቹእ ናብራ ተኽለ ማንጁስ ተገሪሞም ብጎቦ ቁሊሕ ይብሉ ኣለዉ::

ዝተማህረን ዝሸቀለን ኩሉ ድኻ ኣብ ዝኾነላ ናይ ሎሚ ናይ ህግደፍ ኤሪትራ መነባብሮ ተኽለ ማንጁስን ስድራ ቤቱን ግን ክትኣምኖ ዘጸግም ምቹእ ናብራ ብዋጋ ደም ኤሪትራውያን ይነብሩ ኣለ :: እንተኾነ እዚ ኣብ ብሉጽ ኣደራሽ ቪላ ዝነብር ዘሎ ተኽለ ማንጁስ ደረጃ ትምህርቱ 10ይ ወግዓዊ ደሞዙ ብመንጽር መዓርጉ 3 ሽሕን 700 ናቅፋ (ከባቢ275 ዶላር) እኳ እንተኾነ  ብከመይደኣ ሕልፊ ሰቡ ይነብር ኣሎ? መልሱ ተኽለ ማንጁስ እዚ ምቹእ ናብርኡ ካብቲ ኤሪትራውያን እናጽነተ ዘኻዕብቶ ዘሎ ሃብቲ ኢዩ :: ኣብ ንግዲ ዜጋታት ተዋፊሩ ዘይተኣደነ ሃብቲን ምቹእ ናብራን ክነብር ኪኢሉ ዘሎ ብሓጺሩ ካብ ገበን ካብ ዝተረኽበ ገንዘብ ደም ኢዩ::

ተግባራት ተኽለ ማንጁስ ብተቆጻጻሪት ጉጅለ ውድብ ሕቡራት ሃገራት ተረጋጊጹ ኢዩ:: ደቂ ኣስመራ መነባብሮን  ስራሕን  ተኽለ ማንጁስ ፈሊጦሞን ኣስተውዒሎሞን ኣለዉ:: ኣብ በረኻታት ሲና፧ሰሃራን:ላምፔዱሳን ከም ቆጽሊ ዝረገፉ መንእሰያት ኤሪትራ: ክብሮምን ሰብኣውነቶምን ፈቆዶኡ ዝተቀንጠጠ ዜጋታት እምበኣር ተኽለ ማንጁስ ኣብ ምቹእ ናብራ ክነብር ኢዩ ዘኽእሎ ዘሎ:: እቲ ዚያዳ ዘሕዝን ግን ተኽለ ማንጁስ ኣብቲ ንስለ ክብሪ ኤሪትራውያን ሂወቶም ዝበጀዉ ዝተሰምየ ጎደን ሰማእታት ይነብር ምህላዉ ኢዩ::

ታሪኽና ግን በዚ ኣንከብቅዕን ኢዩ::ኤሪትራውያን ሃገርና እዞም ስሱዓት ጀነራላት ክድህኩዋን ናብ ባዕዲ ክመልስዋን ሱቅ ኢልና ኣይክን ዕዘብን ኢና::ሓበን ኣቦታትናን ጀጋኑ ተቃለስቲ ዘስነቁና ሓቦ ተቀኒትና ክብሪ ሃገርና ከነምልስ ኢና::ታሪኽ ከኣ ክንሰርሕ ኢና::<

ጉጅለ ዓርቢ ሓርነት

ኣስመራ


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...