ስርዓት ኢሳያስ ኣብ ልዕሊ ህዝብና ዝፍጽሞ ዘሎ ደረት ዘይብሉ ሕሱም ግፍዒ ምስቲ ኣብ ሃገርና ጽተፈጸመ ተኸታታሊ መግዛእታዊ ገበን ክወዳደር ከሎ ፍጹም መዘና የብሉን። ነዚ ምልካዊ ምሕደራ መሰረታዊ ሰብኣዊ መሰል ዝበሃል ኣምር ትርጉም የብሉን።

ኣብ ዝተፈላለየ ጽፍሒ ሕብረተሰብና ዝርከብ ዜጋ ግዳይ ናይ ክግመት ዘሸግር ኣረሜናዊ ጭቆና ኮይኑ መንእሰያት ብስም ሃገራዊ ኣገልግሎት ኣብ ዲዕ ዝበለ ባርነት ጥሒሎም ማንም ሰብ ሓሪሱ ነጊዱ ወይ ብዝመስሎ ኣገባብ ሰሪሑ ሂወቱን ሂወት ቤተ ሰቡን ክመርሕ ብዘይምኽኣሉ ኣደዳ ድኽነትን ጥሜትን ኮይኑ ከርተት ይብል ኣሎ። እዚ ተራእዩ ዘይፈልጥ ጨካን ውልቃዊ ምሕደራ  ንምትግባር ኣብ ሕብረተሰብና ዘይሐዊ ስነ ኣእምሮኣዊ ስምብራት ከምዝገድፈሉ ኣየጠረጥርን ከም።

እዚ ዝፍጽሞ ዘሎ ግፍዒ ከይኣክል ነቲ ፍሹል ቁጠባዊ ሜላታቱ ንምሽፋን ድኽነትን ጥሜትን ህዝብና ሳዕቤን ዋሕዲ ዝናብ ጥራሕ ንምምሳል ኣሬሜናዊ ተግባራቱ ብምቕጻል ንጥንታውያንን ታሪኻውያንን ዓድታት ምፍንቃልን ደቀባት ምብትታንን ዘውጽኦ መደብ ንምትግባር ምድላው የካይድ ምህላዉ ተፈሊጡ ኣሎ።  

ንነባሪ ወዲ ዓዲ መሬቱ ኣሕዲግካ ንኻልእ ብሐይሊ ካብ ኣበሐጎታቱ ዝወረሶ ዓድን መነባብሮን ኣዘንቢልካ ኣብቲ ብሕገአልቦ ኣገባብ ዝተወስደ መሬት ስፈር ማለት ነቲ ቀዳማይ ከም ካልአይ ደረጃ ዜጋ ምውሳድ ነቲ ካልአይ ከኣ ከም ተሐባባሪ ናይዚ እከይ ውጥን ጌሩ ከቅርብ ዝኽእል ኣዕናዊ ፖልቲካዊ ሜላ ምኻኑ ክዝንጋዕ የብሉን። እዚ መደብ ዚ እንተተግቢሩ ኣብ መንጎ ህዝቢ ኤርትራ ጽልእን ቅርሕንትን ፈጢሩ ንሓድነት ህዝቢ ጥራሕ ዘይኮነ ንህልውና ልዑላውነት ኤርትራ ኣብ ሓደጋ ከምዘውድቅ ኣየከራኽርን። ሕጂ ድማ  ብዝስፍሐን ዝዓበየን ሕብረተ ሰብ ኤርትራ ንምህሳስን ንምድምሳስን ልዕሊ 88 ዓድታት ካብ መቦቆል በታኦም ንኽለቁ መደባት ኣውጺኡ ክሰርሓሉ ጀሚሩ ኣሎ::

ነዚ እከይ ተግባራት ናይ ስርዓት ህ.ግ.ደ.ፍ :  መርበብ ሲቪካዊ ማሕበራት ኣብ ኤውሮጳ ኣጥቢቑ ይቃወሞን ይኹንኖን፡ ኩሉ ኤርትራዊ ድማ ክቃወሞን ክኹኑኖን ግብራዊ ስጉምቲ ክወስድን ይጽውዕ ። ንምፍሻሉን ምብሮዓኑን ናይ ነፍሲ ወከፍ ሃገራዊ ሓላፍነት ምኻኑ የተሓሳስብ።

ዓወት ንሐርነታዊ ቃልሲ ህዝቢ ኤርትራ
ውድቀት ንስርዓት ህግደፍ

መርበብ ሲቪካዊ ማሕበራት ኣብ ኤውሮጳ : 
መጋቢት 19, 2009


Help Andom, an Eritrean-American, get elected to Congress by donating at  andomforny.com/donate 

Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...