ኣቀዲሙ ሓይልታት ጸጥታ መንግስቲ ኤርትራ ን ትካላት እንዳ ኢንተርኔት (internet cafe)፡ ዒላማ ይገብሩ ከምዘለውን፡ ሰባት'ውን ከምዝቀየዱን ዝገልጽ ሓበሬታ ቀሪቡ ኔሩ

ከም መቀጸልታ ናይዚ ቀይዲ'ድማ ኣባላት ጸጥታ ናይቲ ስርዓት ንኹለን ትካላት እንዳ ኢንተርኔት ዘዋሪ መልእኽቲ (circular notice) ዘርጊሖም ኣለው። ብመሰረት እዚ መምርሒ ኩለን ትካላት ትካላት እንዳ ኢንተርኔት፡ ንተጠቀምተን ክምዝግብኦም ክግደዳ እየን።

እቲ መዝገብ ምሉእስም፡ ኣድራሻ፡ ቁጽሪ መንነት፡ ዓይነት መንነት (ታሴራ፡ ፓስፖርት ወ.ዘ.ተ...) ዘጠቃልል ኮይኑ፡ ዝኾነ ኣብ ኮምፒዩተር ይኹን ብሞባይሉ ኣብ ገመድኣልቦ ኢንተርኔት (wireless internet) ዝጥቀም ሰብ ተጠቃምነት ንምርካብ ነዚ መዝገብ ክመልእ ይግደድ።

ከምዝፍለጥ ኤርትራ ዋላ'ውን ምስ ዞባና (ምብራቅ ኣፍሪቃ) ብምንጽጻር ዝደኸመ መስመር ኢንተርኔት ትውንን። ኣብ ኤርትራ ርሒብ ባንድ መስመር (Broadband network) ይኹን፡ ሲምካርድ ተሌፎን ዝሰረቱ መስመር ኢንተርኔት (Phone Simcard based internet network) የልቦን። ስለዚ ኣገልግሎት ኢንተርኔት ኣብተን ኣብ ዓበይቲ ከተማታት (ኣስመራ፡ ከረን፡ መንደፈራ፡ ባጽዕ) ዝተደኮና ውሑዳት ትካላት እንዳ ኢንተርኔት  ዝተደረተ እዩ። ይኹን እንበር ኣብ ዝሓለፈ ውሑዳት ኣዋርሕ እቲ ስርዓት መኽሰቡ ንምኽዕባት ክብል ዝኸፈቶ ምስ ዝሑል ፍጥነቱ ኣተኣሳሲርካ ኣዝዩ ክቡር ዝኾነ (20 ናቅፋ/ 1.33 ዶላር ንሓደ ሰዓትን 40MB) ኣብ ውሽጢ እዘን ትካላት እንዳ ኢንተርኔት ኮይንካ ክትጥቀመሉ ትኽእል፡ ገመድኣልቦ ኢንተርኔት (wireless internet) ንተጠቃምነት ዜጋታት ብዕጽፊ ብምዕባዩ እሞ ዜጋታት ኣጋጢምዎም ዝነበረ ናይ ሓበሬታ ምዕፋን ብተዛማዲ ብምቅንጣጡ በቲ ሓደ ወገን፡ ኣብዘን ዝሓለፋ ውሑዳት ኣዋርሕ ብዙሕ ንጸይቅታት እቲ ስርዓት ዘቃልዕ ሓበሬታታት፡ ስእልትታትን ቪድዮታትን ካብ ውሽጢ ሃገር ንደገ ምውጻኡ'ድማ በቲ ኻልእ፡ ነቲ ስርዓት ኣብ ከቢድ ሻቅሎትን ሸበድበድን ኣእትይዎ ኣሎ።


ምስዚ ኣብ ዝተኣሳኣሳሰር፡ እቲ ኣብዘን ትካላት እንዳ ኢንተርኔት ዝርከብ፡ ገመድኣልቦ ኢንተርኔት (wireless internet) ኣብ ኣፍደገ ክሳብ ክልተ ሜትሮ ዝዝርጋሕ ዓንኬል ስለዝሰርሕ፡ ንተጠቀምቲ ተዛማዲ ናጽነት ይህቦም ብምንባሩ፡ እዚ ድማ ከም ስግኣት ስለዝተጠመተ፡ እተን ትካላት እንዳ ኢንተርኔት ኩሉ ተጠቃሚ ኣብ ውሽጢ እቲ ትካል ኮይኑ ክጥቀም ክሕብራ መጠንቀቅታ ተዋሂብወን ኣሎ። ድሮ'ውን ብዙሓት ትካላት ነዚ ዝምልከት ምልክታ ለጢፈን ኣለዋ። እዚ ድማ ኣካል ናይቲ ኣቀዲሙ ክስረሓሉ ዝጸንሐ ሰባት ነንሕድሕዶም ክተሓላለውን ከይተኣማመኑን ዝገብር ስርዓት ስለያ እዩ።

 


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...