ኣበይ ይሎ እቲ ኒሕን ሓቦን ሕልናን ኣብቛባቝን ኤርትራውያን

ኒሕ

ኒሕ ኤርትራውያን ኣበይ ኣሎ
 ህዝብና ስኢኑ ኣጆኻ ዝብሎ
 ካብ ሎሚ ዝኸፍእ ምኣስ ኣሎ
 እንተ ሓተተካስ እንታይ ትብሎ
 ንዑ ሓደ ኰና ንድለ መልሲ እንተሎ

ሓቦ

ሓቦዶ የላንያ ከም ቀደማ
 ጀጋኑዶ ምስኦም ቀቢርማ
 ወይስ ኣምኪኹዋ ጽሓይ ሃሮርማ
ነጻነት ኣረኪባትና እኮ ሃዲማ
 ሕሰምና ከቢዱ ዘራዪ ስኢና

ሕልና

ኣበይ ኢዩ ጠፊኡ ዘይጽንቀቕ ሕልና
ኣንጻር ጸላኢኡ ዝወፈረ ጅግና
 ብተንኮል ጠፊኡ ከይቀበርና
ዘብን ገበል ኮይኑ ፍጹም ሓሲሙና
ኣውያትን ሜላትን ኮይኑ ኣብ ዓድና
ተኣውጁ ግህሰት ናይ ጥፍኣትና
 መታኾሲ ክኸውን’ዩ ገዳማትና 

ኣባቋባቊ

ኣባቛባቊ ኔሩ ኣዳናጋጽ
ኣይነበረን በሕዋትካ ምልጋጽ
እዞም ኣብ ነቓዕና ኣትዮም ዘላግጹ
 ከማና ዘፍጥጡ እንተዝመጹ
 ባዕሎም እኮ ብሕጓ ምወጹ
ሓደ ዘይምዃና ኣላጊጹ

 በላይ መስፍን ጀርመን