Asmarino Fundraising: Because There Is So Much More to Be Done!

ምትእስሳር ምቅርራብ Cable حــبــل

ንተኣሳሰር ንፍትሒ
ቃልኪዳን ንገብር ንፍትሒ
ንጠምር ንፍትሒ
ንሰምር ንፍትሒ።

ምትእስሳር ምስ ዝህሉ ኣብ ሃገር
ገለ ኣይድፈር ኩሉ ይኽበር
ገለ ከሲቡ እቲ ሓደ ኣይሓስር
ገለ ሞይቱ እቲ ሓደ ኣይነብር።

ምትእስሳር ምምልላእ'ዩ ቀዳምነት ህዝቢ
ንህጻን ዘእቢ ዘኽብር ንኣቢ
ምትእስሳር ፍቱው ብጎይታ ብረቢ
ቁጹር ኣሳ'ዩ እሙን ከልቢ
እሙን ፍጥረት'ዩ ፍቕሪ ልቢ።

ምትእስሳር ምምልላእ'ዩ ዘቀራርብ
ኣየጥፍእ ገንዘብ ሕልና ኣየእርብ
ጥሜት ኣይህሉን ኩሉ ይጸግብ
ክፉት እድል'ዩ ንስራሕ ንጥበብ።

ምትእስሳር ምቅርራብ ንገለ ኣይፈሊ
ራሕሲ'ዩ ክራማት ኩሉ ጊዜ ጠሊ
ጽባቐ'ዩ ስነጥበብ ፈን ስእሊ
ምትእስሳር የሐድስ ንሓደ ኣየብሊ።

ምትእስሳር ምቅርራብ ኣቕራቢ ርሑቕ
መልክአኛ በኣል እድመ ጽቡቕ
ተባሃጊ ብምእራብ ኮነ ብምብራቕ
ብምትእስሳር ኣይክወንን ሕማቕ።

ምትእስሳር ምምልላእ ትምኒት ኩሉ
ኩሉ ዝደልዮ ምስኡ ክህሉ
ብምትእስሳር ተጋደልቲ ይጋደሉ
ናጽነቶም ጨቢጦም መንግስቶም ይተኽሉ።

ምትእስሳር ምቅርራብ ጽቡቕ ትንተና
ዝፈልጥ ዘኽብር ሓይሊ ሓያልና
ዘይንእቕ ዘየናሹ ሕጽረት ድኹማትና
ኣይግርማን ምንኣቕ ሰልፊ
ከይመላእካ ሰልፊ፡ ግበር ሕልና።

ምትእስሳር ግበር ኣታ ትንእቕ
ዘይተኣከቡ ዘይተወደቡ እናበልካ ትንእቕ
ኣየናይ'ዩ ዘቕርብ መን'ዩ ዘጸብቕ
እመክር ኣለኹ ንብርሃን እናበልካ
ከይትኣቱ ኣብ ጸልማት ድቕድቕ።

ምትእስሳር ንጋግ መላኢ ዝመልእ
ንኹሉ የሳትፍ ንኹሉ የዋስእ
ኩሉ የበርክት ዘዝከኣሎ የዋጽእ
ምፍልላይ ብምትእስሳር ይጠፍእ
ምፍልላይ ብምምልላእ ይጠፍእ
ምፍልላይ ብምቅርራብ ይጠፍእ፡፡

Awwal Care As-hama
29-Jan-‘12

 
BLOG COMMENTS POWERED BY DISQUS
 

Videos

Latest Comments

Announcements