ቅርሺ!

እዛ ከባብ ምድሪ

ቀላያት ምስ ባሕሪ

ጻዕዳ በረድ ምስ ዛሕሊ

ሙቐት ጸሓይ ከም ጓህሪ፡

ብዘይ ኮረሻ ናይ በቕሊ ኣብ ዝባና ክትረሪ

ዘይትሕለል ብዓቕሊ፡

ንቕርሺ ክትደልስ

ምስ ለይቲ ምስ ቀትሪ ትገላብጥ ባህሪ!

ንጓልን ንወድን ትሳጺ ከም ፍቕሪ!

ቅርሺ መናበሪ

ብማዕዶ መህረሪ መማቕርቲ ጻዕሪ፡

ስግር እምኒ ምድሪ ዘሊላ ከም ዋሪ

ዓምቢባ ክትፈሪ ክትለምዕ ከም ሳዕሪ፡

ኣብ ዓድን ኣብ ዓውድን

ክትጭበጥ ከም ዕትሪ

ክትምቅር ከም ተምሪ

ከም ሩባ ክትዛሪ ጥበብ’ያ ትደሊ፡

ከም ገልዒ መጽሓሪ ንረመጽ መዝሓሊ።

ቅርሺ መናበሪ!

እንዳ ምሩቓት’ሲ

ተንጽፊ’ሞ ማእሲ ትውስኺ መተርኣሲ፡

ድኽነት ክትብቁሲ ሓዲርኪ ትውዕሊ

ሰሲንኪ ተቕስኒ።

እንዳ ዝንጉዓት ግን

ትመስሊ’ሞ ወርቂ ትኽደኒ ብቂ

ብደረት ጠሪርኪ እቶን ተሳውሪ።

ንቕርሺ ክንደሊ ንሕና ከም ትጽቢትና

 ድማዕ ዘይረኸብና።

ወያ ብጽሒትና

ዕዳጋ ገዲፋ ባንዴራ’ወንዚፋ፡

ምስ ዝና ምስ ባህታ ክትዘልል ክትፍልል

ጎላጉል ገዲፋ ጠረር’ያ ሃቲፋ።

ካብ ፓሎ ጸዲፋ ኣብ ባይታ ዓሪፋ።

ድፍእ’ያ ዝበለት ንቑልቁል ዝ’ኣፋ።

እዛ ብጽሒትና ስማ ተጻሒፋ

እነኹ ምስ በለት

መኣስ ጥዒሙዋ ንፋስ ምስ ጎነፋ።

ታሪኽ ጸቒጡዋ ሕሉፍ ምስ ወጠጣ

ከም ሕማም ፍንጣጣ በዚሑዋ ጣጣ፡

ናብራ ፈናቒላስ

ብስማ ሓኒኻ ዓይና ተዓሚታ

ኣብ ባንኪ ሓኪላ እሔው ትብል ዘላ።

ውዒላ ሓዲራ ከም’ተን መሓዙታ

 ዕዳጋ ዘውርዳ ጸሓይ ዘብርቐላ

ሰላም’ዩ ፍሽኽታ እዋን ዘውግሓላ።

እንተዘይኮነ ግን በዚሑ ፈኸራ መሪሩ መከራ

ብመወልዒ ሽጋራ ነዲዳ ባንዴራ

ብናይ ፖለቲካ እሳተ ጎመራ እንተተቓጺላ፡

እዋን ምቕያራ

ናብ ባንኪ ሰሊኹ ንቕርሺ ዝነግራ

 ምሩቕ ክፈጥረላ፡

ከም’ቲ ልሙድ ባህሊ

ኣወል ቡን ክንሰቲ 

ምስ ዕጣን ምስ ትኪ

ንልዑል ወ’ለ’ዝጊ ይነገሮ ሓቂ።

ቅልቅል እንተበለ ኣራእያ በርቂ

ብዝሑል ማ’ጨሎት መሬትና ክትጥልቂ

መኣዲ ቁርሲ ቡን ምምቓል’ዩ ስንቂ

ምልዛብ’ዩ ወርቂ

ኣብ ምድሪ ዓንጊሉ ዝወስድ ናብ ጽድቂ።

ዳንኤል ተስፋዮውሃንስ ተኽለጊዮርጊስ

This email address is being protected from spambots. You need JavaScript enabled to view it. 09/25/16

 


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...