ማይ ጥብ! ነፍሒ

ይኸውን ግዲ ሕማም ሕርሲ፡ ኣጋ ፍርቂ ለይቲ
ኣብ ዋዕላ ዓስከሪየን ዓስከርቲ
ተላዒሉ ዘረባ፡  ዘረባ ዘለኣለማዊ ዝኽሪ
ካብታ  ዘለኣለማዊት ድቃስ፡ መበራበሪ

ዕዮበልዩ ብዝበሃል ጉዳይ፡  ብሃንደበት
ጉዳይ በዓል ርብዒት፡ ሚእ’ቲ ት’ዓመት
ብዛዕባ ህልው ኩነት
ካብ ተባህለ እምበኣር፡ እሞ ደኣ እንታይ ይገበር? ብኡነት!

 ንሕና ደኣ፡ በለ ሓደ
ቀደም ሓመድ ዝለበስና፡ ኣብ ውግእ ሕድሕደ
ሕጂኸ እንታይ ይብሉ፡ በዓል ብደዉ ካልኣይ ዝሞተ
ንዓና ክዝክር፡  ብስኻር ተስካር ዝዓበደ

ንሰምዕ  እወ! ሰምሰም እናበልና፡ ሹመት ሂቦምና
ኣብ ወረቐት ዝጸደቐ ስም፡  ተሸሊሙ ሽምና መሰ’ቦና
ተፈሪሙ’ወ፡ ተሰቒሉ ምስ ስእልና
ገና ደሓን፡ ብጥዑያትና ከሎና

መጸት ከኣ እዛ ወርሒ ሰነ
መዐሸዊት እዋን፡ ድጋመት ዓመት ንዝዓመተ
ነቲ ህልው ከተዐሹ፡ ድቃስ ክትከልእ ንዝሞተ
ሽምዓ ተወሊዑ፡ ቃልቃል ይብል ከምዛ ልሳን ዝሰኣነ

ምእንቲ ርእሳ ከይትበኪ፡  'ታልጋነሽ ሓፍተይ
ዓይና እናሓሰየት፡  ትብል አይ! አይ!
በየናይ ዓይነይ እሞ ክበኽየልኪ
እትሰምዕ  እዝኒ'ኳ ዘይብልኪ

'ታደይ'ሞ ግደፋ! በለ 'ትሓደ፡ ትቕብል ኣቢሉ
ኣብቲ ሕልማ ኣትየ፡ ደሓን'የ ተበልኩ
መሊሱ ይገዳ፡ ተመላሊሱ
ዝገብሮ’ኳ ጠፍኣኒ፡ ኣንጉዐይ ፈሲሱ

በሉ ፈራዲ ካብ ተሳእነ ፡  ንድለ ደያኒ ዘየዳሊ
ካብ ስእነት ሰነ ዘናግፍ፡   በሉ ሓደ ዓቢ
እንታይ ንግበር ኣንቱም ኣሕዋት፡ በሉ'ምበኣር ሕጂ
መርየት ከይወግሐት፡ ጸሓይ ብርቂ

'ታ ወርሒ ሰርዋ፡ ገዲሱዋ ድዩ'ኸ ምስተን ከዋኽብቲ
ዕላል ዋዕላ ክትሰምዕ፡ ኣብታ ድቕድቕ ለይቲ
ምስ ኣይህልው ኣይምዉት የዕጽምቲ
ምስታ ጥብ! ማይ ነፍሒ፡ ክትጽበ ነዛ ቐትሪ መዓልቲ

ገብርኤል ጓንጉል
3 ሰነ 2016 


Help Andom, an Eritrean-American, get elected to Congress by donating at  andomforny.com/donate 

Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...