‘ኣብ ወርቃዊ ኢዮበልዩ የራኽበና!’ እምበር ዶ ምስ ሰብ ኢና ዘለና!

ኢሳያስ ሎሚ ኣመስኪርካ

መሰል ህዝቢ ምርጋጽ

ናብ ዕብዳን ከም ዘድሃበልካ

ኣይሰለጠናን እምበር

ክንፈልጠካ ብዙሕ ኢና ጽዒርና

ከም ዘይሰለጠና ግን እናጠፋኣና

ሱቕ ምባልና’ዩ ምስክርና

እምበርዶ ብጥዕንኡ’ዩ እዚ ወዲ

ገለ ዘጋግዩ ረኺቦሞ ከይኮኑ እናበልና

ክወግሕ’ዩ እናበልና ምሒር ተዘንጊዕና

ግን ‘ኣብ ወርቃዊ ኢዮበልዩ የራኽበና!’

ብማለት ምስ ኣሽካዕልካ ኣብ ኣደባባይ ሃገርና

ብሕሉፍ ጽላለ ከም ዝተገነዝካ በሪሁልና

‘ሰብ ክሳብ ዝጸልኣካ ዕድመ ኣይሃብካ!’ 

ዝብል ምስላ ቀዳሞት ከም ዘይተሰቑረካ ፈሊጥና

ኣብ ወርቃዊ ኢዮበልዩ የራኽበና! ምስ በልካና

እምበር ዶ ምስ ሰብ ኢና ዘለና! ኢልና

ካብቲ ብመዓልቲ ናጽነት ሃለውለው መደረኻ

ሕሱም ህርፋን ስልጣን ከም ዘለካ ጋህዲ ኮይኑልና

ንዝመጽእ 25 ዓመት ንምብሓት ስልጣን!

ከክፉኡ ምትምናይ ዝተረፈ ህዝቢ ንምጽናት

ዘይተፈልጠ ምኽሪ ሰብ ይኹን ምኽሪ ሰይጣን

ንኣደባባይ  ሃገር ብዕባባን ዳንኬራን ኣመላኪዕካ

ነቲ ዓለም ከይተረፈ ዝሰከሓሉ ክሒድካ

ኣብ ህዝብና ተውርዶ ዘለኻ ሕሰምን መከራን ዓቢጥካ

ብውሽጡ ሕሩር ህዝቢ ጣቕዒት ዝሕባእ እንተ መሲሉካ

ተዘናቢሉካ ኣሎ ተዘናቢሉካ

እንታይከ ይብሃል

ንሰማዒ ዘሕፍር ንሃገር ዘዋርድ መደረ ኣሽካዕላል

መምህር መሲልካ ብዛዕባ ዝሓለፈ ሃለው ምባል

ዘይትገድፈሎም ነቶም ናይ ታሪኽ መማህራን

ዘይትገድፎ’ዚ ፍሽለትካ ንኣመሪካ ንወያኔ ከትላግበሎም ምፍታን

እንታይ ገበረ’ቲ ህዝቢ ቁም ትዛረብ መሲሉዎ ሃንቀው ዝብል

ዘይትዛረብ ብዛዕባ’ቲ ንህዝቢ ዘሻቕሎ ዘሎ ጉዳይ

ዘይትዛረብ ብዛዕባ’ቶም ሕቡሳት

ከም ጨው ዝሓቁ ዘለዉ ትሕቲ መሬት

ዘይትዛረብ ብዛዕባ’ቲ ቅዋም ዝተሸፈነ ብዓለባ ሳሬት

ዘይትዛረብ ብዛዕባ’ቲ ናብ ህዝቢ ዝወርድ ዘሎ ሕሰም ጥሜት

ሓቂ እንተትዛረብ ንኣኻ ሞጎስ ኔሩ ብታሪኽ ዝስነድ

እንታይ ገበረኸ እቲ ወጻኢ ኮይኑ ሃለውለው ዝሰምዕ

እንታይ ገበረኸ እቲ ብሰንክኻ ሃጽ ዝበለ ንስደት

‘ሰሚዕኩሞ ዶ መደረ ፕረዚደንትኹም!’ እናተባህለ ዝዋረድ

መዛረቢ ዓለም ዝኸውን

‘እዞም ፈቐድኡ ዝተበኑ ምንባር ስኢኖም ኣብ ሃገሮም

መንግስቶም ዘሳደዶም ዝኸሓዶም

ተረፍ በረኻ ባሕሪ ነጋዶ ሰብ ዝኾኑ ምዓት ዝወረዶም  

ዝከኣለና ንግበር ነድሕኖም ንዘርከብናሎም

ክሳብ ሰላምን ራህዋን ዝነግስ ኣብ ሃገሮም’

እናበሉ ነሕዋትናን ደቅናን ከድሕኑ ምጽዓሮም

ምስጋና ይኹኖም

እንተ ንስኻሞ ይጽብጸብ’ዩ ዘሎ ገበንካ

ብክፉእ ግብርኻ ዓለም ፈሊጡካ

ኣሽንኳይ ንሕና

ንሕና ከኣ ንስኻ ከለኻ ዶ ድቃስ ከይወስደና

ክሳብ ተዛቲና ንልዓል ነዲርና

ፍትሒ ነንግስ ኣብ ሃገርና

‘ኣብ ወርቃዊ ኢዮበልዩ የረኽበና!’ ዝበልካና

መለበሚ ኮይኑና’ሎ መለበሚና

ምናልባት ዕድመ ሂቡካ ዘዋር ከይትደግመና!

 

ምልኪ ይፍረስ ሕጊ ይንገስ

ምስሉ ተኪኤ 05-29-2016


Latest

ምስጋና ካብ ስድራቤት ብምኽንያት ዕረፍቲ ኣቦይ ተስፋጊዮርጊስ ብዓታይ

ብምኽንያት ዕረፍቲ ኣዚና እነፍቅሮን እነኽብሮን ኣቦና ኣቦይ ተስፋግዮርጊስ በዓታይ፡  ብኣካል ኣብ ቤትና መጺእኩም፡ ከምኡ’ውን ብዝተፋላለየ መንገዲ ናይ...

Eritrea: ሚኒስተር ፋይናንስ ነበር ኣቶ ብርሃነ ኣብርሀ፡ ሎሚ ንጉሆ ሓይልታት ጸጥታ ጨውዮም ኣበይ ከምዝወሰዱዎ ከምዘይፍለጥን

ሎሚ ኣብ ህዝብታት ኤርትራን ኢትዮጵያን ክቃላሕ ንሰምዖ ዘለና ትርጉም ኣልቦ ናይ ሰላም ስምምዕ፡ ክምቲ ብዙሓት ኢትዮጵያውያን ናይ ሕልና እሱራት ኣብዚ ቀረባ እዋን...

ንደመር ብኣምሓርኛ፡ ንጥፋእ ማለት’ዩ ብትግረ።

Hidden Motives in Every Day Life: The Elephant In the Brain – Kevin Simler Robin Hanson 2018 ትብል...

ካልኣይ ቅሉዕ ደብዳበ ናብ ክቡር ዶክተር አብይ ኣሕመድ፡ ቀዳማይ ሚኒስተር ረፓብሊካዊት መንግስቲ ኢትዮጵያ።

ብዕለት 5 ሰነ 2018፡ ነዚ ብኣኻን በቲ ብመንግስትኻን ናብ ህዝብን መንግስትን ኤርትራ ዝቐረበ ንብይን ኣልጀርስ ብዘይ ገለ ቅድመ ኩነት ተቐቢሉ ከፍጽም...

Eritrea: ፐሮጀክት ዓርቢ ሓርነት - ኣብዚ ሰሙን ካብ ዝበጹሑና ዜናታት:

እቲ ዕሉል ተለኣኣኪ ክፍእ ኮይኑ ኣሽሓት ሰባት ከበሳብስ ዝጸንሔ ወዲ ከበደ (ሓላፊ ቤት ምእሰርቲ ዓዲ ኣቤቶ) ኣብ ትሕቲ ቀይዲ ኣቲዩ። እዚ ብጭካኒኡ ዝልለ ንጽሃት...

Eritrea: ምድማር'ዶ ወይስ ምፍዃስ?

ማንኪ፡ ክቡር ጠቅላይ ሚኒስተር፡ ምሳኹም ክንድመር ንወያነ ኣጥፉኡልና። ዶ/ር ኣብይ፡ ክቡር ማንኪ፡ ጀመርቲ ስለ ዝኾና ገና ምድማር ኢና ዘለና። ንስኹም ግን ቀዲምኩም ኣብ ምፉዃስ (elimination) ኢኹም በጺሕኩም። ግዜ ሃቡና...