እዋይዛ ዕድል ክትሓስም
ሪኻ ሰሚዕኻ ትም
ነናይ ናይ ዘመኑ ጋህሪ
ኣብ እተባራዓሉ ቁጽሪ
መንእሰይ ይሳወር ብበትሪ
ንዝረመጹና ኩሎም ክንርመጽ
ዘዝመጸ እቶን ክንቆጽር
ህይወት መንእሰይ ክሓርር
ቀልጢፋ ኣይትሓልፍ
ወይ ኣይትስስን
ኣብ እቶን ተሰኽቲታ
ብመኾስ ጨፍለቕቲ ክትካወስ
መን ረኺቡ ሓታቲ ብዛዕብኡ
ክሳብ ሓሪሩ ዝኽሕን።

እዋይዛ ዕድል ክትሓስም
ሪኻ ሰሚዕኻ ትም
ወገንካ ህዝብኻ ኣብ መሓዩር
ሓውኻ ሓውትኻ ክተማርር
ብማዳ ብጋሂ ገጾም ክጽልም
ኣፎም ተዓቢሶም ብዘይሩኡይ
ብዓዶም ተሓቢሶም ብቕሉዕ
መን ረኺቦም ሓታቲ ብዛዕባኦም
ይኣክል ዝብል ፈኒዮም
ሓዊ ረመጽ እቶን ዘጥፍኣሎም
ሎሚ ተበጅዩ ጽባሕ ክሓልፈሎም
ንርእኻ ሰሚዕኻ ትም ዝበትከሎም
ባህሊ ሓሶት ጥልመት ዝጉሕፈሎም።

እዋይዛ ዕድል ክትሓስም
ሪኻ ሰሚዕኻ ትም
እዋኑ ምስ ሓለፈ ክትእርም
ሎሚ ኣጽቂጥካ ክተዕረምሩም
ግዜ ከለካ ንግዜ ክትጠልም።

ሰለሞን ብርሃነ ሠንጋል

“ ሕልና - 04/26/12 ”