ቅዱስ ይመለስ ንኣዱ

ብነጻነት ክነብር ሕልሙ ተጋሂዱ

ስድራ ኮይኑ ወሊዱ ዘሚዱ

ሕጉ ክገብር ባህሉ ልምዱ።

ሰናይ ይመለስ ንሃገሩ

ምስ ህዝቡ ኡማኡ ሓቢሩ

ኣብ ገዛውቱ ኣድታቱ ሰፊሩ

ጭቆና ኣላሽ ይበል ሓቂ ስኢሩ።

ኣኽባሪ ስድራኡ ይመለስ ንመሬት

ሞት ክትከውን ቅብጸት ዘበት

ኣዱንያ ኮይና ንህይወት ነጻነት

ሞት ሃው ኢላ ናብ እርበት።

ፍሕሹው ይመለስ ናብ ሃገረሰብ

ኣዝማድ ተኣከቡ ኩሉኹም ቤተሰብ

ርሑቕ ይቕረብ ዝኸሰረ ይኽሰብ

ተላገብ ንዘልኣለም ናይ ሓቂ መርበብ።

እርኑብ ይመለስ ንመዲና

መጽሓፍና ይነበብ ይረአ ፊደልና

ኣይኣበረትን ተመጊባ ሃጢራ ገዛና

ብየማነ ጸጋም ዝተረኽበ ስለ ዘምጻእና።

በኣል ሃይማኖት ይመለስ ንመስጊድ

ሰላቱ ክገብር ኩሉ ጊዜ፡ ኣብ ኢድ፡

ሓጎጽጎጽ ዘይብሉ ኩሉ ጊዜ ስኢድ

እምነቱ ሓድነት ኢማን ተውሒድ።

በኣል ሃይማኖት ይመለስ ናብ ቤተ ክርስትያን

ምስ ሰብ ደብሪ ክጽሊ ሃገራውያን

ምስ ሰብ ኣስመአ ሃገራዊያን

ብቁንጣሮ ዝእመኑ ግዱሳን ቅዱሳን

ብመርታ ብመሬት ወስኹ ምስሳን።