ናጽነት እንታይ´ዩ
 ትርጉማ ?

ሃገር እንተተጓሒፉ ቁዋማ
መሰል ሕዝባ እንተ ተሓሪማ
ሰብ እንተ ሓሲሩ ከም ሃመማ

ናጽነት  እንታይ´ዩ ትርጉማ

ፍትሕን ሕግን እንተተጣሒሱ
ገባቲ ብሓይሉ እንተነጊሱ
መሰል ሕዝቢ እንተተጋሂሱ

ናጽነት  እንታይ´ዩ ትርጉማ

ገሊኣ ኣብ እስሪ ቤት እንተሰፊራ
ገሊኣ ናብ ስደት ደብ እንተሰጊራ
ገሊኣ እንተኾይና ቀለብ ኣሞራ

ናጽነት  እንታይ´ዩ ትርጉማ

ወዲ ሃገር ኣብ ሃገሩ እንተፈሪሑ
ሓጽ እንተኢሉ ሃገሩ ራሕሪሑ
ገባቲ ብትዕቢት እንተተነፊሑ

ናጽነት  እንታይ´ዩ ትርጉማ

ዓይንና እናራኣያ እንተተዓሚተን
ኣእዛና እናሰምዓ እንተጸሚመን
መልሓስና ብጥዑያትን እንተተቖሊፈን
ኣእምሮና ብብርሃኑ እንተጸልመተን

ናጽነት  እንታይ´ዩ ትርጉማ

አረ ናይ መን ናጽነት ኢና እነብዕሎ
ናይ´ቲ ንሕዝቡ ዝኸድዐ ዒንክላሎ
ሃየ እንዶግዳ ! ሓቢርና ያዕ ንበሎ

ዓወት ንጭቁን ሕዝብና
ውድቀት ንዝኸድዑና

ብኣብርሃም ተኽለ
22.05.2009