|
ዶክተር ጀንዳየ ፍሬዘር ምስ ደምበ ተቛውሞ ትራኸብ |
|
|
|
Saturday, 26 April 2008 |
|
ብኣቶ ኣድሓኖም ገብረማሪያም ትምራሕ ሓሙሽተ ዝኣባላታ ወኪል ደምበ ተቛውሞ ምስ ጸሓፊት ወጻኢ ጉዳያት ሕቡራት መንግስታት ኣሜሪካ፡ ዶክተር ጀንዳየ ፍሬዘር፣ ብዕለት 21 ሚያዝያ 2008 ተራኺቦም ተዘራሪቦም ክብል ዓዋተ ዳት ኮም ሓቢሩ።
ሳራ ስኮሩፕስኪ ዝርከብዎም፡ ብርክት ዝበሉ ሰበ-ስልጣን ወጻኢ ጉዳያት ኣሜሪካ፡ ኣብቲ ዝርርብ ተረኺቦም ከምዝነበሩ’ውን እቲ ዜና ወሲኹ ገሊጹ። ኣቶ ኣድሓኖም ምስ ገዳብ ብቴሌፎን ኣብ ዝገበሮ ዝርርብ፡ ንዶክተር ጀንዳየ ስፍሕ ዝበለ መብርሂ ብዛዕባ ጉባኤ ኤ.ዲ.ኪ. ከም ዝሃባ እቲ ምንጪ ይገልጽ። ኤርትራውያን ሲቪካውያን ማሕበራትን መራሕቲ ሃይማኖትን ኣብቲ ጉባኤ ብናይ ተዓዛብነት ደረጃ ክሳተፉ ምዃኖም’ውን ብተወሳኺ ገሊጹላ። ብተመሳሳሊ፡ ኣቶ ኣድሓኖም ብዕለት 5 ሚያዝያ 2008 ምስ ኣባላት ዓለምለዃዊ ሓድነት ኤርትራውያን ኣብ ኣሜሪካን ካናዳን፡ ንጉባኤ ኪዳን ብዝምልከት፡ ብቴሌፎን ከምዝዘተየ እቲ መርበብ ሓበሬታ ወሲኹ ይገልጽ። ብተወሳኺ፡ ብ ዕለት 12 ሚያዝያ አቶ ኣድሓኖም ምስ ኣብ ኣሜሪካ ዝርከባ ወከልቲ ተቛወምቲ ውድባት ኤርትራ ተራኺቡ ከምዝነበረ ዓዋተ ዳት ኮም ይሕብር። እቶም ወከልቲ ብወገኖም፡ ሓቢሮም ክሰርሑ ከምዝኽእሉ፥ እንተኾነ ግን ኣብ መሪሕነት ውድባት ጸገማት ከምዝራኣዩን ኣብቲ ዝገበርዎ ርክብ ገሊጾም። ዳሬክተር ጀነራል ሓድነት ኤርትራውያን፡ ኣቶ ሰመረ ሃብተማርያም ብወገኑ፡ ማሕበሮም ኣብ ጉባኤ ኪዳን ዝሳተፉ፡ ኣርባዕተ ዝኣባላታ ወከልቲ፡ ናብ ኣዲሳ ኣበባ ክትሰድድ ምዃና ሓቢሩ።
|
Download MP3 Audio (.mp3)
