[VoMD] Voice Of Meselna Delina

እቶም ሰልፊ ዝካፈሉ ሰብኡትን ኣንስቲን መንእሰያትን ምስተኣኣኻኸቡ ኣብቲ ብሕጊ ዝተደፈቕደሎም ቦታ ኸይዶም ዳሶም ተኺሎም መጕልሒ ድምጽታቶም ኣዋዲዶም ጭርሖታቶም ዘርጊሖም ኣንጻር ስርዓት ህግደፍን ተሓባበርቶምን ሰላማዊ ተቓውምኦም ከስምዑ ጀመሩ። በቲ ዝሓንጸጽዎ መደብ መሰረት ድማ ብፖሊስ ተዓጂቦም ናብቲ ቐጽሪ ፈስቲቫል ከይዶም ቀሪቦም ብብርቱዕ ድምጺ ነቶም ኣብ ውሽጢ ኮይኖም ገሊኦም ተሓቢኦም ገሊኦም ድማ ተገቲሮም ዝዕዘቡ ዝነበሩ ታኻፈልቲ ፈስቲቫል መልእኽቶም ወርወሩሎም። ገለ ካብ ኣዳለውቲ ፈስቲቫል ህግደፍ ንደገ ወጺኦም ናብ ፖሊስ ጥርዓኖም ኣስምዑ ግናኸ እቲ ሰልፊ ሕጋዊ ስለዝኾነ ደው ከብልዎ ኣይኽኣሉን።

ምእንቲ ብጹእ ወቅዱስ ፓትርያርክ እንጦንዮስን ካልኦት እሱራት ኣመንቲ ክርስትናን ዝተገብረ ፍሉይ ናይ ጸሎት ጉባኤ: ረቡዕ ምሸት 27 ሰነ 2007 ዓ.ም: ኣብ ቤተ ክርስትያን ቅድስት ማርያም ኣብ ለንዶን ዓዲ እንግሊዝ ተዛዚሙ።
 

ህይወት ህዝቢ ኤርትራ፡ ብስእሊ
መጸዋዕታ ናብ ኩሎም ግዱሳት ዜጋታት

ህይወት ህዝቢ ኤርትራ፡ ካብ እዋን መግዛእቲ ጥልያን ኣትሒዝካ፡ ብመነባብሮ፡ ብሰላም፡ ብቅሳነት፡ ብሓጎስ ምስ እትመዝኖ፡ ካብ ሕማቕ ናብ ዝገደደ፡ ካብ ክፉእ ናብ ዝኸፍአ ድሕሪ ምንቁልቋል፣ ኣብዚ ግዜ'ዚ፡ ካብ ኩሉ ሕሉፍ እዋናት ብዝመረረ ጭቆና እንዳተሳቐየ፡ ኣብ ሃልሃልታ ሓዊ ይጥበስ ከም ዘሎ፡ ተወሳኺ መብርህን መግለጽን ዘድልዮ ጉዳይ ኣይኮነን፡፡

ምእንቲ ናጽነት፡ ምእንቲ ቅሳነት ሰላሳ ዓመታት ዝተቓለሰ ህዝቢ፣ ካብ ሰላሳ፡ ሓደ ንሓርነት ሞባእ ዝወፈየ ህዝቢ፣ ምእንቲ እፎይታ፡ ዘይስገር ዝሰገረ፡ ዘይጽወር ዝጾረ ሓቦኛ ህዝቢ፡ እዚ ክፍደ፡ ኣመና ዘሕዝን ኢዩ፡፡ በዚ ምኽንያት'ዚ፡ እዚ ዘሎ ግናይ ዘበነ ግፍዒ ኣብቂዑ፡ ዘበን ፍትሕን ርትዕን ክመጽእ ባህጊ ኩልና ኤርትራውያን ኢዩ፡፡

ብዘይ ተበግሶ ግን፡ ዝደለኻዮ ስለዘይርከብ፣ እዚ ናይ ሓባር ባህጊ ኤርትራውያን ንክሰምር፡ ማሕበር ተስፋ ደሊና፡ ኣብ ልዕሊ ባህጊ፡ ሓቦን ህልኽን ወሲኹ፡ ባጀታውን ክእለታውን ዓቕሙ ብዘፍቅዶ መሰረት፡ እጃሙ የበርክት ኣሎ፡፡