[VoMD] Voice Of Meselna Delina

ብኣቶ ኣድሓኖም ገብረማሪያም ትምራሕ ሓሙሽተ ዝኣባላታ ወኪል ደምበ ተቛውሞ ምስ ጸሓፊት ወጻኢ ጉዳያት ሕቡራት መንግስታት ኣሜሪካ፡ ዶክተር ጀንዳየ ፍሬዘር፣ ብዕለት 21 ሚያዝያ 2008 ተራኺቦም ተዘራሪቦም ክብል ዓዋተ ዳት ኮም ሓቢሩ።

ፕረሲደንት ኢሰያስን ፕረሲደንት ጂቡቲ ኢስማዒል ጉለህን፥ ኣብ ዝሓለፈ ቀረባ መዓልታት ብቴሌፍን ኣብ ዝገበርዎ ርክብ፥ ነቲ ኣብ መንጎ ክልቲኤን ሃገራት ዝተኸስተ ናይ ዶብ ምፍሕፋሕ መፍትሒ ክረኽቡሉ ተሰማሚዖም ክብል ወጻኢ ጉዳያት ጂቡቲ መሓመድ ዓሊ ዩሱፍ ገሊጹ።

መንግስቲ ኤርትራ፡ መራሕቲ ሃይማኖት ኦርቶዶክሳዊት ቤተክርስትያን፡ ኣብ ወትሃደራዊ ታዕሊም ብሓይሊ ንክኽተቡ ከምዘገድዶም ኣህጉራዊ ክርስቲያን ፖስት ዝተባህለ ናይ ዜና ማዕከን ገሊጹ።

ትማሊ ሓሙስ፡ ሒደት ዝቑጽሮም ካህናትን ዲያቖናትን ካብ ወትሃደራዊ ታዕሊም ናጻ ክገብሮም ዝኽእል መንቀሳቀሲ ወረቀት ተሓዲስሎም። እቶም ዝበዝሑ ግን መንቀሳቀሲ ወረቀቶም ከምዝይሕደስ ተሓቢርዎም፥ ንወትሃደራዊ ታዕሊም ክወርዱ ድማ ተነጊርዎም ክብል እቲ ማዕከን ዜና ወሲኹ ሓቢሩ። 

ደምበ ተቛውሞ ኤርትራ፡ መንግስቲ  ኤርትራ ምምሰራት መሰጋገሪ መንግስቲ ዝብል ጠለብ ናይ ምንጻግ ባህርያቱ እንተቀጺሉዎ፡ ጎነጻዊ ኣገባብ ክጥቀም ምዃኑ ከምዘጠንቀቀ ኣጃንስ ፍራንስ ፕረስ ሓቢሩ።

ኤርትራ ነቲ ብውዱብ ሕቡራት ሃገራት ዝቀረበላ ጠለብ ምልዓል እገዳ ነዳዲ ኣብ ልዕሊ ዓቃብ ሰላም ሰራዊት ነጺጋ ክብል ሮይተርስ ኣፍሊጡ።

ኤርትራ ነዚ ስጉምቲ ትወስዶ ዘላ ዋና ጸሓፊ ውዱብ ሕቡራት ሃገራት፡ ባን ኪ ሙን፡ ነቲ እገዳ ነዳዲ እንተዘይ ኣልዒላቶ ወተሃደራቱ ካብ ዶባት ኢትዮጵያን ኤርትራን ከስሕቦም ሙኳኑ ኣብ ዘጠንቐቀሉ ዘሎ እዋን ሙኳኑ እቲ ዜና ኣብሪሁ።

ኤርትራ ነቲ ብውዱብ ሕቡራት ሃገራት ዝቀረበላ ጠለብ ምልዓል እገዳ ነዳዲ ኣብ ልዕሊ ዓቃብ ሰላም ሰራዊት ነጺጋ ክብል ሮይተርስ ኣፍሊጡ።

ኤርትራ ነዚ ስጉምቲ ትወስዶ ዘላ ዋና ጸሓፊ ውዱብ ሕቡራት ሃገራት፡ ባን ኪ ሙን፡ ነቲ እገዳ ነዳዲ እንተዘይ ኣልዒላቶ ወተሃደራቱ ካብ ዶባት ኢትዮጵያን ኤርትራን ከስሕቦም ሙኳኑ ኣብ ዘጠንቐቀሉ ዘሎ እዋን ሙኳኑ እቲ ዜና ኣብሪሁ።